Leikkonan Jennifer Aniston og leikarinn Justin Theroux eru skilin en þau giftu sig við leynilega athöfn í ágúst árið 2015. Þau byrjuðu að deita í maí 2011 og tilkynntu trúlofun sína í ágúst árið 2012. Þau sáust síðast saman í fríi í Mexíkó í desember á síðasta ári, en fjölmiðlar hafa haldið því fram að í fríinu hafi þau leitað leiða til að bæta sambandið. Það gekk hins vegar ekki.
„Til að draga úr frekari vangaveltum höfum við ákveðið að tilkynna skilnað okkar,“ segja Jennifer og Justin í sameiginlegri tilkynningu til fjölmiðla um málið.
„Ákvörðunina tókum við í sameiningu í miklu bróðerni í lok seinasta árs. Við erum bestu vinir sem höfum ákveðið að hætta að vera par, en við hlökkum til að rækta vináttu okkar áfram,“ segir einnig í tilkynningunni.
Aðdáendur vinalegu leikkonunnar hafa farið mikinn á samfélagsmiðlum eftir að fréttirnar um skilnaðinn bárust og telja margir að nú sé komið tækifæri fyrir hana og leikarann Brad Pitt að byrja aftur saman. Þau voru gift frá 2000 til 2005, en frægt er orðið þegar Brad byrjaði í kjölfarið með leikkonunni Angelinu Jolie. Þau hættu hins vegar saman í september árið 2016.
„Brad Pitt og Jennifer Aniston eru að fara að byrja aftur saman. Ég sagði það fyrst,“ skrifar einn tístari.
„Óvænt flétta: hún byrjar aftur með Brad Pitt og er stjúpmóðir barna Angelinu Jolie,“ tístir annar.
Hér fyrir neðan má sjá viðbrögð Twitter-samfélagsins við fréttunum um að Jennifer Aniston sé einhleyp á ný:
Texti / Lilja Katrín
[email protected]
Athugasemdir