Stjörnur sem voru stripparar

Það er stað­reynd að lista­menn þurfa oft að vinna ýmis störf á meðan þeir eru að reyna að koma sér á fram­færi í þessum harða heimi.

Eitt af þessum störfum er nekt­ar­dans, en það er ótrú­lega mikið af frægu fólki sem hefur byrjað fer­il­inn á strippi. Sum nöfnin á þessum lista gætu meira að segja komið ykkur á óvart.

Uppgötvuð af Hugh Hefner

Fyrr­ver­andi Playboy-kan­ínan Kendra Wilkinson byrj­aði að vinna sem stripp­ari þegar hún var átján ára. Eftir aðeins sex mán­uði í starfi var hún upp­götvuð af Playboy kóng­inum Hugh Hefner, sem bað hana að dansa í 78 ára afmæli sínu. Eins og margir vita end­aði þetta á því að hún flutti í Playboy-höll­ina og var um tíma ein af kærustum Hughs heit­ins.

Strippari í einn dag

Spænski leik­ar­inn Javier Bardem vann stutt­lega sem nekt­ar­dans­ari, í raun bara í nokkrar klukku­stundir.

„Ég var stripp­ari í einn dag! Það var hörm­ung. Og veistu hver var að horfa? Móðir mín og systir! Þetta var svona eins og í Full Monty, maður mætti á stað­inn, dans­aði og fékk smá pen­ing að launum,“ sagði leik­ar­inn í við­tali við tíma­ritið Marie Claire árið 2008.

Nóg af vinnu

Rokk­dívan Courtney Love steig sín fyrstu skref á nokkrum nekt­ar­búllum í Los Angeles. Í við­tali við LA Weekly árið 2013 sagð­ist hún hafa unnið á fjöl­mörgum stöðum, en að stað­ur­inn Jumbo’s hafi verið bestur.

Úr strippi í skemmtanabransann

Baywatch-leik­konan Carmen Electra reyndi fyrir sér sem nekt­ar­dans­mær áður en hún gerði það gott í skemmt­ana­brans­anum. Síðar meir gaf hún út lík­ams­rækt­ar­mynd­bönd með strippí­vafi.

Fækkaði fötum í afmælum

Þegar leik­ar­inn Brad Pitt var nem­andi í háskól­anum í Missouri var hann hluti af hópi karl­manna sem sýndi nekt­ar­dans í anda Chippendales-hóps­ins. Dans­hóp­ur­inn hans Brads hét Dancing Bares og sér­hæfði sig í að dansa fyrir kven­kyns nem­endur þegar þeir áttu afmæli. Í við­tali í kringum Ósk­arsverð­launin árið 2007 sagð­ist hann einnig hafa tekið að sér að keyra stripp­ara í verk­efni og bætti við:

„Stripp­arar breyttu lífi mínu.“

Fetaði í fótspor mömmu

Fyr­ir­sætan og frum­kvöð­ull­inn Blac Chyna hóf fer­il­inn á stripp­klúbbi í Miami þar sem hún hitti fjöldan allan af stjörnum. Hún opn­aði sig um for­tíð sína í við­tali við Elle árið 2016.

„Mamma mín var stripp­ari. Hún sagði: Ef þig langar að gera þetta, vertu þá best í þessu.“

Sá fyrir fjölskyldunni

Fyr­ir­sætan Amber Rose fékk vinnu sem nekt­ar­dans­mær þegar hún var aðeins fimmtán ára gömul svo hún gæti séð fyrir fjöl­skyldu sinni eftir að for­eldrar hennar skildu. Þá not­aði hún sviðsnafnið Paris, en hún tjáði sig um þetta í útvarps­þætt­inum Loveline árið 2016.

„Það var besti tími lífs míns þegar ég var að strippa,“ sagði hún þá.

Dansaði við Black Sabbath og Guns N’ Roses

Söng­konan Lady Gaga fékk vinnu sem fata­fella í heima­borg sinni New York þegar hún var ung­lingur.

„Ég var að vinna á nekt­ar­dans­stöðum þegar ég var átján ára. Atriðið mitt var frekar villt. Ég var í svörtu leðri og dans­aði við Black Sabbath, Guns N’ Roses og Faith no More. Mikið rokk og ról. Mér finnst ekki gaman að tala um þetta en það var mikið um fíkni­efni, hörð efni. Ég myndi ekki vilja veita fólki inn­blástur til að feta í mín fót­spor,“ segir lafðin í bók­inni The Performance Identities of Lady Gaga: Critical Essays.

„Ég lað­aði mann­fjölda að mér, ég kveikti í hár­spreyi á svið­inu og dans­aði villt og galið. Ég hef mikla og sterka kyn­vit­und. Ég elska nak­inn manns­lík­ama og er mjög örugg í eigin skinni,“ bætir hún við.

Strippið hjálpaði til

Kvik­mynd­irnar um Magic Mike eru laus­lega byggðar á ferli aðal­leik­ar­ans, Channing Tatum, sem stripp­ari í Alabama. Þessi dans­reynsla hans hjálp­aði honum að landa ýmsum hlut­verkum, þar á meðal í kvik­mynd­inni Step Up þar sem hann kynnt­ist núver­andi eig­in­konu sinni, Jennu Dewan.

„Á góðu kvöldi þén­aði ég 150 doll­ara. Á slæmu kvöldi, 70 doll­ara, jafn­vel 50,“ sagði hann í við­tali við Hollywood Reporter árið 2014.

Elskaði að vera nakinn

Leik­ar­inn Chris Pratt byrj­aði sinn feril á að rífa af sér spjar­irnar.

„Ég var alltaf mjög hrif­inn af því að vera nak­inn. Ég elskaði að vera nak­inn. Ég var mjög frjáls­lyndur og hugs­aði: Ég get alveg eins fengið borgað fyrir þetta,“ sagði leik­ar­inn í við­tali við Buzzfeed árið 2013, en bætti þó við að stripp­fer­ill hans hafi ekki verið far­sæll. Hann skemmti aðal­lega í gæsap­ar­tíum.

„Ég fór einu sinni í áheyrn­arprufu í klúbbi en ég fékk ekki starfið. Ég held að ég sé ekk­ert sér­stak­lega góður dans­ari.“