Ætlaði að verða áhrifavaldur en endaði í skuldafeni

Lissette Calveiro er 26 ára og búsett í New York-borg. Þangað flutti hún árið 2016 með kredit­korta­skuld uppá eina milljón á bak­inu eftir að hún reyndi að ger­ast áhrifa­valdur á Instagram. Lissette segir í færslu á Instagram að hún hafi eytt meiru en hún þén­aði og að hún hafi skuld­sett sig til að sýn­ast eiga full­komið líf í augum fylgj­enda sinna.

„Instagram eða annað líf sem lítur full­komið út á mynd er ekki þess virði að enda í skulda­feni,“ segir Lissette í við­tali við Cosmopolitan.

Hætti að eyða í ferðalög og hátísku

Lissette starfar í kynn­ingar- og mark­aðs­málum og vissi að hún þyrfti að gera eitt­hvað afdrifa­ríkt til að borga upp skuld­irnar.

„Það var alltaf hluti af áætlun minni að flytja til New York út af vinnu, en mér fannst ég ekki getað notið þess til fulls á meðan ég var með kredit­korta­skuld­ina á bak­inu. Ég var viss um að ég gæti borgað hana upp á ein­hverjum tíma­punkti, en ég þurfti að gera það fljótt til að geta lifað frið­sælu lífi,“ segir hún.

Lissette hætti því að eyða fúlgu fjár í ferða­lög og kaupa sér að minnsta kosti einn hlut frá hátísku­merki á mán­uði, eins og hún hafði áður gert. Þá ákvað hún líka að setja vinnu sína í fyrsta sæti, en ekki Instagram. Hún segir það hafa verið erfitt, en eftir að hún byrj­aði að leigja íbúð sem var tals­vert ódýr­ari en hún var vön gat hún notað stóran part af laun­unum sínum til að borga niður skuld­ina.

Þá nýtti hún sér einnig alls kyns punkta og inn­eignir sem hún hafði safnað í gegnum tíð­ina með því að eyða svona miklu á kredit­kort­inu.

Fjármál ættu ekki að vera tabú

Lissette er búin að greiða upp kredit­korta­skuld­ina en er enn með náms­lán sem þarf að greiða af. Hún seg­ist vilja opna umræð­una um Instagram-lífið, því aðrir í hennar stöðu geri það ekki.

„Mínir nán­ustu vinir hafa það sama á til­finn­ing­unni, að þetta vanda­mál með ofeyðslu til að eiga full­komið líf sé svo algengt, þannig að það er skrýtið að eng­inn hafi talað um þetta áður,“ segir Lissette og bætir við:

Þess má geta að fylgj­enda­fjöldi Lissette hefur tvö­fald­ast eftir að hún opn­aði sig um þessa lífs­reynslu sína.