Ný rannsókn sýnir fram á að sumar konur fái fullnægingu allt að 55 sinnum í mánuði, en þær konur stunda kynlíf með öðrum konum.
Rannsóknin var birt í Archives of Sexual Behavior en rannsakendur skoðuð kynlíf tæplega þrjú þúsund kvenna. Konunum var skipt í tvo hópa: þær sem stunda aðallega kynlíf með körlum og þær sem stunda aðallega kynlíf með konum.
Konurnar svöruðu spurningum um hve oft þær fengju fullnægingar, hve oft þær stunduðu kynlíf og hvernig kynlíf þær stunduðu yfir fjögurra vikna tímabil.
Konur sem stunduðu kynlíf með öðrum konum stunduðu að meðaltali kynlíf tíu sinnum í mánuði. Konur sem stunduðu kynlíf með körlum stunduðu kynlíf að meðaltali fimmtán sinnum í mánuði. Hins vegar sýna niðurstöður rannsókninnar að konur sem stunduðu kynlíf með öðrum konum væru þrisvar sinnum líklegri að fá alltaf fullnægingu en þær sem stunduðu kynlíf með karlmönnum.
Ástæðan fyrir þessu er talin vera sú að gagnkynhneigðu pörin stunduðu oft kynlíf þar sem getnaðarlimurinn fór inn í leggöngin, en erfitt getur verið fyrir konur að fá fullnægingu á þann hátt. Þá segja rannsakendur að sú staðreynd að tvær konur fái oftast fullnægingu saman sé að þær leiki sér meira í kynlífi og séu óhræddar við að prófa nýja hluti og stellingar.
Athugasemdir