Það getur verið stressandi að breyta um hárgreiðslu, hvort sem það er í lit eða klippingu. Því getur verið gott að skoða heim hársins á internetinu til að komast að því hvernig maður vill að hárið sitt líti út, áður en maður heimsækir hárgreiðslumeistarann.
Hér eru tíu Instagram-síður sem þið ættuð að fylgja ef þið eruð í hárgreiðsluhugleiðingum. Nú, eða ef ykkur finnst gaman að skoða hár, hár, hár.
1.@hairbymisskellyo
Það er unun að skruna í gegnum síðuna hjá stílistanum Kelly O’Leary-Woodford. Þar er að finna alls kyns retró hárgreiðslur, sem og alla liti regnbogans. Þessi veitir sko innblástur!
2. @juliuscaesar
Rakarinn Julius Arriola býr í Los Angeles og veitir karlmönnum mikinn innblástur, hvort sem um er að ræða vel snyrt andlitshár eða þykkan og óreiðukenndan lubba.
3. @leysahairandmakeup
Stelpur og strákar með krullur ættu að kíkja á síðuna hjá stílistanum Leysa Carrillo. Hún býður upp á frábærar lausnir fyrir þá sem glíma við liðina allan liðlangan daginn.
4. @livedinhair
Stílisti stjarnanna, Anh Co Tran er snillingur í að láta hárið líta út eins og ekkert hafi verið átt við það. Hann býr í Los Angeles og er meistari í hárlengingum að eigin sögn.
5. @hairbykimtran
Hér er önnur síða sem er full af svölum hugmyndum sem hægt er að fara með á hárgreiðslustofuna. Stílistinn Kim Tran er mjög fær og sýnir líka skemmtilegar fyrir og eftir myndir af viðskiptavinum sínum.
6. @maneinterest
Þessi síða safnar saman hugmyndum frá fullt af hárgreiðslufólki og því er þetta fullkominn staður til að finna sinn hárstíl.
7. @themensgroomer
Rakarinn Jason Schneidman er ekki bara rakari stjarnanna heldur einnig hjartahlýr og býður upp á fríar klippingar fyrir heimilislausa.
8. @gooddayhairshop
Kanadíska hárgreiðslustofan Good Day Hair Shop er með síðu á Instagram sem minnir um margt á regnboga. Geggjaður innblástur fyrir þá sem vilja lit í lífið – og hárið.
9. @domdomhair
Það besta við þessa síðu er að stílistinn Dominick Sema birtir oft myndbönd þar sem hann sýnir tæknina sem hann notar. Mjög hjálplegt!
10. @schorembarbier
Rakarastofan Schorem í Rotterdam í Hollandi sérhæfir sig í klassíkum herraklippingum. Mjög skemmtileg síða með fullt af flottum hárgreiðslum fyrir karlmenn.
Athugasemdir