Allt sem þú þarft að vita um Eurovision á næsta ári

Hin ísra­elska Netta kom, sá og sigr­aði í Eurovi­son í Lissabon með lagið TOY. Það er því ljóst að keppnin verður haldin í Ísrael að ári. Hún sagði sjálf að við myndum hitt­ast í Jer­úsalem á næsta ári og for­sæt­is­ráð­herra Ísrael, Benjamin Net­anyahu sagði á sam­fé­lags­miðlum að keppnin yrði haldin í Jer­úsalem. Það hefur valdið tals­verðum hita þar sem Jers­úsalem er almennt ekki við­ur­kennd borg í Ísrael vegna deilna Ísra­els­búa og Palest­ínu­manna. Hugs­an­lega verður því keppnin haldin í Tel Aviv. Óvíst er hvort ein­hverjar þjóðir eigi eftir að snið­ganga keppn­ina vegna fyrr­nefndra deila.

Stórar hallir sem geta hýst Eurovision-keppn­ina er bæði að finna í Jer­úsalem og Tel Aviv. Í Jer­úsalem er Jer­úsalem-höllin sem er 41 þús­und fer­metrar að stærð og hýsir tæp­lega sextán þús­und manns. Í Tel Aviv er höllin Menora Mivtachim sem er 23.450 fer­metrar og getur tekið rúm­lega tíu þús­und manns í sæti.

Stóru löndin fimm; Frakk­land, Þýska­land, Ítalía, Spánn og Bretland kom­ast sjálf­krafa áfram í úrslit sem og gest­gjaf­inn Ísrael. Auk þess hafa sex lönd nú þegar sýnt því áhuga að keppa á næsta ári. Það eru Eistland, Noregur, Pólland, San Marínó, Serbía og Svíþjóð. Nákvæm dag­setn­ing á keppn­inni er ekki ljós, en auð­vitað verður hún haldin í maí eins og siður er. Lönd hafa þar til um miðjan sept­em­ber til að sækja um þátt­töku í keppn­inni.

Netta hrósar sigri.

Þar sem dag­setn­ing er ekki ljós er heldur ekki ljóst hvenær miða­sala hefst en hér fyrir neðan sést hvenær miða­sala hefur haf­ist síð­ustu ár:

2013: 26. nóv­em­ber 2012
2014: 29. nóv­em­ber 2013
2015: 15. des­em­ber 2014
2016: 26. nóv­em­ber 2015
2017: 14. febr­úar 2017
2018: 30. nóv­em­ber 2017

Síðustu fimm ár hafa miðar farið í sölu í hollum. Seldir eru miðar á níu sýn­ingar, sem eru eft­ir­far­andi að stað­ar­tíma:

Fyrri undanriðill

Dóm­ara­rennsli: Mánu­dagur kl. 21.00
Æfing­ar­rennsli: Þriðju­dagur kl. 15.00
Bein útsend­ing: Þriðju­dagur kl. 21.00

Seinni undanriðill

Dóm­ara­rennsli: Mið­viku­dagur kl. 21.00
Æfing­ar­rennsli: Fimmtu­dagur kl. 15.00
Bein útsend­ing: Fimmtu­dagur kl. 21.00

Úrslit

Dóm­ara­rennsli: Föstu­dagur kl. 21.00
Æfing­ar­rennsli: Laug­ar­dagur kl. 13.30
Bein útsend­ing: Laug­ar­dagur kl. 21.00

Hér má svo sjá skemmti­legt Eurovision-daga­tal sem birt er á síð­unni Eurovision World, sem fer vel yfir hvað ger­ist í aðdrag­anda keppn­innar.