Peningar algengari en kynlíf í draumum

Það er von­laust að reyna að spá fyrir um hvað mun birt­ast í draumum fólks hverju sinni enda getur hvað sem er gerst og hver sem er birst. Þó eru ákveðnir þættir lík­legri til að birt­ast í draumum fólks heldur en aðrir, svo sem kyn­líf og pen­ingar.

Það sem kann að koma sumum á óvart er að sam­kvæmt drauma­gagna­grunni sem fjallað er um í mynd­bandi sem birt­ist á vef BBC kemur í ljós að pen­ingar eru algeng­ari í draumum heldur en kyn­líf, þó að bæði sé algengt.

Þá kemur einnig fram að sam­kvæmt grein­ingu á draumum úr gagna­grunn­inum er algeng­asti mat­ur­inn sem birt­ist í draumum fólks súkkulaði. Algeng­ast lit­ur­inn er hvítur, algeng­asta far­ar­tækið er bíll, algeng­asta dýrið er hundur og algeng­asta per­sónan til að birt­ast í draumum fólks er móðir við­kom­andi.

Þegar kemur að yfir­nátt­úru­legum fyr­ir­bærum eru skrímsli algeng­ust og þar á eftir koma draugar og upp­vakn­ingar.

Mynd­bandið má sjá á vef BBC.