Kennir krökkum búktal

Þjóð­minja­safn Íslands og Reykja­vík Kabarett, með Margréti Erlu Maack fremsta í flokki, sam­eina krafta sína og bjóða börnum á búktals­nám­skeið sunnu­dag­inn 24. júní frá 11 til 12.

Það er hin banda­ríska Carla Rhodes sem kennir búktals­tækn­ina en hún byrj­aði að æfa sig í þess­ari ævafornu list þegar hún var níu ára gömul. Í dag er hún einn vin­sæl­asti búktal­ari New York-borgar og var meðal ann­ars til­nefnd til Andy Kaufman-grín­verð­laun­anna árið 2012.

Á nám­skeið­inu verður farið í grunn­tækni búktals og eru krakkar hvattir til að koma með eigin bangsa, brúðu eða jafn­vel bara sokk. Það má segja að búk­tal sé orðið vin­sælt aftur, eftir nokkurn tíma í dvala, eftir að hin ell­efu ára gamla Darci Lynne hrós­aði sigri í hæfi­leika­keppn­inni America’s Got Talent síð­ast­liðið haust en hæfi­leiki hennar var einmitt búk­tal.

Til að bæta á búk­tal­ara­fjörið er vert að minn­ast á að Konni og ferða­taskan hans eru á grunn­sýn­ingu Þjóð­minja­safns­ins um þessar mundir en fræg­asta búk­tal­arat­víeyki Íslands er án efa Baldur og Konni sem voru upp á sitt besta um mið­bik síð­ustu aldar.