Missti næstum því af Valentínusarglaðningnum

Rapp­ar­inn Kanye West tók Val­ent­ínus­ar­dag­inn alla leið og fékk sax­ó­fón-snill­ing­inn Kenny G til að spila fyrir eig­in­konu sína, Kim Kar­dashian West, í stof­unni þeirra í til­efni dags­ins. Mikið hefur verið fjallað um þennan glaðn­ing Kanye í fjöl­miðlum síðan og margt fólk hefur velt fyrir sér hversu lengi Kenny G hafi þurft að bíða eftir að Kim kom heim.

Í gær greindi Kim frá því að litlu hefði munað að hún hefði misst af Kenny G vegna þess að hún var á hlaupum og var að verða sein í skóla dóttur sinnar þar sem hún sinnti sjálf­boða­starfi.

„Ég var á hlaupum vegna þess að ég tók að mér að vera bekkj­ar­mamman í skóla dóttur minnar á Val­ent­ínus­ar­deg­inum,“ sagði Kim í sam­tali við Extra.

En allt slapp þetta fyrir horn því að Kanye rétt náði að kalla á hana draga hana inn í stofu. Þar stóð Kenny G og spil­aði ljúfa tóna, umkringdur rósum.

„Ég sá allar þessar rósir og Kenny G í stof­unni minni, það var svo flott og ein­stakt.“

Kenny sjálfur hefur einnig tjáð sig um málið en hann var him­in­lif­andi með við­brögð Kim. „Ég byrj­aði að spila áður en ég kom auga á hana. Hún var að koma fyrir hornið og Kanye gaf mér merki. Og ég byrj­aði að spila,“ útskýrði hann. „Hún vissi ekki hvernig hún átti að haga sér í smá stund. Svo tók hún upp sím­ann, það var frá­bært.“

Ekki fylgdi sög­unni hversu lengi Kenny þurfti að bíða þar til Kim lét sjá sig.

https://www.youtube.com/watch?v=HCpX77meDKk