„Ég á ekkert. Ég missti allt mitt“

Felli­byl­ur­inn Idai olli gríð­ar­legum skemmdum í borg­inni Beira í Mósambík fyrir tæpri viku og er stað­fest tala lát­inna komin upp í 200 sam­kvæmt frétt á vef BBC. Þó er ótt­ast að tala lát­inna sé hærri og muni hækka.

Felli­byl­ur­inn olli mik­ill eyði­legg­ingu á svæð­inu eins og sjá má í með­fylgj­andi mynd­bandi. Mikil þörf er á mat og öðrum nauð­synjum fyrir þá sem eru enn fastir á svæð­inu en björg­un­ar­að­gerðir ganga hægt.

„Ég á ekk­ert. Ég missti allt mitt. Við höfum ekki mat. Við höfum ekki teppi, við þurfum aðstoð,“ sagði kona, sem er enn föst á svæð­inu, í sam­tali við Pumza Fihlani, frétta­konu BBC á svæð­inu.

Í umfjöllun sinni á vef BBC segir Fihlani að allir sem á vegi hennar hafa orðið í Beira hafi beðið hana um að fjalla um ástandið á svæð­inu og sýna umheim­inum þá eyði­legg­ingu sem felli­byl­ur­inn olli.

„Vin­sam­leg­ast hjálp­aðu okkur. Sýndu heim­inum að við erum að þjást. Við vitum ekki hvar við munum geta sofið,“ sagði þriggja barna faðir í sam­tali við Fihlani.

Í mynd­bandi sem BBC birti á vef sínum í dag má sjá hvernig ástandið í Beira er.

Mynd / Skjáskot úr mynd­bandi BBC