Litríkt eldhús í húsi eftir Kjartan Sveinsson

Eldhúsið er nýupp­gert og lit­ríkt.

„Okkur fannst skipta máli að reyna að halda í tíð­ar­and­ann í hús­inu og völdum efnin og lit­ina svo­lítið út frá bygg­ing­ar­tím­anum. Oft þykja mér eldri hús tapa karakter þegar þau eru alveg strípuð og gerð eins og allar nýbygg­ingar eru í dag. Við vorum föst á því að vera með græna marm­ara­plötu og höfðum leitað út um allt og fundum hann loks hjá steinsmiðj­unni Rein. Við erum alveg ótrú­lega ánægð með plöt­una og það sér líka lítið á henni því efnið er svo lif­andi,“ segir Sunna þegar hún er spurð út í eld­húsið.

Eld­hús­gólfið er skemmti­lega öðru­vísi, en það er úr reyktum korki sem Þ.Þor­gríms­son lét útbúa sér­stak­lega fyrir þau. Aðspurð af hverju korkur hafi orðið fyrir val­inu seg­ist Sunna hafa heill­ast af honum vegna þess hve mjúkur og hlýr hann sé og að hann sé umhverf­is­vænni kostur. Það sé gott er að standa á honum og svo sé mik­ill kostur að þegar eitt­hvað dettur í gólfið brotnar það ekki. Hún bætir því við að þeim hafi einnig þótt kork­ur­inn það hlut­laus að hann gæti virkað með nán­ast hvaða gól­f­efni sem þau koma til með að velja á rest­ina af íbúð­inni þegar þar að kemur.

Tækja­skáp­ur­inn er ein­stak­lega vel heppnuð og skemmti­leg við­bót við eld­húsið og tengir rýmið inn í stof­una. „Ég vildi ekki hafa neitt króm eða burstað stál sjá­an­legt í eld­hús­inu og eina leiðin til að fá það til að ganga upp var að hafa tækja­skáp til að fela þá hluti, eins og espressó­vél­ina, blandar­ann og hræri­vél­ina.“

Innlitið til Sunnu má skoða í heild sinni í nýjasta tölu­blaði Húsa og híbýla, tölu­blaði 5..

Höld­urnar á tækja­skápnum eru alveg í takt við tíð­ar­anda húss­ins, en ef vel er að gáð má sjá að þetta eru Dots-snagar frá Muuto. Allar aðrar höldur eru frá Hegas og voru pólý­húð­aðar í sama lit og er á inn­rétt­ing­unni.

Tryggðu þér áskrift að Húsum og híbýlum í vef­verslun

Myndir / Aldís Páls­dóttir