Kaupmáttur aukist eftir kjarasamninga á almennum markaði

Laun hækk­uðu almennt vegna kjara­samn­inga á almennum mark­aði í maí 2018 og kaup­máttur jókst eftir að samn­ing­arnir voru gerðir. Þá hefur kaup­máttur hækkað um 26% frá ára­mótum 2014-2015. „Það er veru­lega mikil aukn­ing, bæði sögu­lega séð og í sam­an­burði við önnur lönd,“ segir í til­kynn­ing­unni.

„Kjara­samn­ingar á almenna mark­aðnum runnu út í lok síð­asta árs og nýr samn­ingur var ekki gerður fyrr en í byrjun apríl síð­ast lið­inn. Laun á almenna mark­aðnum lækk­uðu þannig fyrsta árs­fjórð­ung­inn 2018 sem er mjög óvenju­legt. Breyt­ingin á árs­grund­velli var 5,1% sem er minnsta árs­breyt­ing frá apríl 2014. Hækkun launa­vísi­töl­unnar vegna þessa er minni en verið hefur síð­ustu ár.“

„Sam­an­burður á milli almenna og opin­bera mark­að­ar­ins við lok samn­ings­tíma­bila beggja mark­aða sýnir að laun á báðum mörk­uðum hafa hækkað jafn mikið, eða um tæp 36%, sé miðað við upp­haf árs­ins 2015.“

„Breyting launa eftir starfs­stéttum var mest hjá tæknum og sér­mennt­uðu starfs­fólki á síð­ast liðnu ári, eða 7,1%. Laun stjórn­enda hækk­uðu áber­andi minnst á þessu tíma­bili, eða um 4%. Laun ann­arra starfs­stétta hafa hækkað í kringum 5-6% á þessum tíma.“

Í atvinnu­greinum bygg­ing­ar­starf­sema, flutn­ingum og geymslu­starf­semi var hækk­unin í kringum 7%. „Laun í fram­leiðslu hækk­uðu minnst og næst minnst í fjár­mála- og vátrygg­ing­ar­starf­semi, eða um rúm­lega 5%.“