Boris á milli tannanna á breskum fjölmiðlum vegna sóðaskaps

The Guardian fær þrifa­blogg­ara til þess að sál­greina Johnson út frá rusl­inu í bílnum hans og flest helstu dag­blöð lands­ins hafa fjallað um málið og The Sun voru með nákvæma grafík og inni­halds­lýs­ingar – mögu­lega til marks um að gúrku­tíðin sé hafin í breskum fjöl­miðlum. Times fjallar um málið og segir ólík­legt að bretar kaupi bíl­inn hans Boris þótt hann fái ráð­herra­stól.

Times gengur raunar lengra og setur málið í sam­hengi við van­traust í garð Boris meðal almenn­ings í Bret­landi. Boris nýtur mik­illa vin­sælda í íhalds­flokknum en skortir nokkuð traust utan flokks­ins. Fyr­ir­tækið YouGov gerð könnun fyrir The Times og spurði almenn­ing hvort þau myndu kaupa not­aðan bíl af Boris. 13% tóku vel í það en 59% svör­uðu neit­andi.

Á sam­fé­lags­miðlum eru skiptar skoð­anir um bíl­inn. Ýmsir hafa áhyggjur af því að sama óreiða muni fylgja for­seta­tíð Borisar en sumir koma honum til varnar, eins og t.d. Twitter-not­and­inn Ace Fun Luxury sem segir: „Ég hata Boris Johnson jafn mikið og allir aðrir en horf­umst í augu við stað­reyndir – ef fólk væri dæmt fyrir ástandið á bílnum sínum væru allar stelpur í fang­elsi.“

Á Twitter er not­and­inn Chester Drawers svo von­svikin með Guardian. „Hvaða máli skiptir þetta sam­an­borið við það mik­il­mennsku­brjál­æði hans að halda að hann geti stýrt land­inu okkar og á meðan umræðan er dreg­inn niður á þetta plan, það er einmitt svona sem hann kemst að – popúl­ismi í fram­kvæmd!