Fjárlaganefnd leggur til að 300 milljónir verði færðar frá þróunarsamvinnu til NATO

Gert er ráð fyrir að 300 millj­ónir verði færðar á mál­efna­svið sem kall­ast „4 Utan­rík­is­mál“ og er í raun fram­lag til NATO, en talað er um nauð­syn þess að „bregð­ast við upp­safn­aðri við­halds­þörf og tryggja óbreytta starf­semi varn­ar­mann­virkja Atl­ants­hafs­banda­lags­ins á Kefla­vík­ur­flug­velli.“

Hinn helm­ing lækk­un­ar­innar segir nefndin að sé til­komin vegna nýrrar þjóð­hags­spár Hag­stof­unar þar sem gert er ráð fyrir að vergar þjóð­ar­tekjur verði öllu minni en gert var ráð fyrir við gerð fjár­mála­á­æt­unar fyrir árin 2020-24 og „gefur það svig­rúm til þess að lækka fram­lögin til sviðs­ins um lið­lega 300 millj. kr. Á ári,“ en í stjórn­ar­sátt­mála er miðað við að fram­lögin séu reiknuð sem hlut­fall af þjóð­ar­tekjum. Framlag Íslands í mála­flokknum er hlut­falls­lega lang­lægst Norð­ur­landa og þrátt fyrir þverpóli­tíska sátt árið 2013 um að stefna á að ná því mark­miði að 0,7 pró­sent vergrar þjóð­ar­fram­leiðslu rynni til þró­un­ar­sam­vinnu (sem er alþjóð­legt við­mið) árið 2019 stefnir núver­andi rík­is­stjórn aðeins á að hækka það fram­lag í 0,35 pró­sent vegna stjórn­ar­sátt­mála.