„Þrátt fyrir að vera ánægður í starfi og að allt gangi hér vel, þá á leikhúsið samt alltaf rosalega stóran sess í hjarta mínu. Mér finnst fátt magnaðra en að sitja í leikhúsi þar sem hópur fólks deilir upplifun og lætur hreyfa við sér með sögum sem skipta máli.“
Þetta segir Magnús Geir í tölvupósti sem hann hefur sent starfsfólki RÚV vegna málsins. Þar segist útvarpsstjórinn jafnframt vera bjartsýnn um að fá Þjóðleikhússtjóra.
„Þrátt fyrir að vera ánægður í starfi og að allt gangi hér vel, þá á leikhúsið samt alltaf rosalega stóran sess í hjarta mínu.“
Núverandi Þjóðleikhússtjóri, Ari Matthíasson, hefur gegnt stöðunni síðan árið 2015. Eins og kunnugt er hefur ríkt viðkvæmt ástand innan leikhússins. Stjórn Félags íslenskra leikara (FÍL) hefur gert ahugasemdir vegna samskiptaörðugleika leikhússtjórans og félagsmanna FÍL og lúta þær aðallega að hegðun leikhússstjóra. Þá hefur stjórn félagsins kvartað yfir aðgerðarleysi Þjóðleikhúsráðs og mennta- og menningarmálaráðherra í málinu. Ari hefur sótt aftur um stöðuna. Sömuleiðis Kolbrún Halldórsdóttir leikstjóri. Umsóknarfrestur um starf Þjóðleikhússtjóra rennur út í dag, en nýr þjóðleikhússtjóri tekur til starfa um áramót.
Þess má geta að áður Magnús Geir tók við starfi útvarpsstjóra árið 2014, gegndi hann meðal annars starfi leikhússtjóra Leikfélags Akureyrar og Borgarleikhússins.
Athugasemdir