Michelle Carter laus úr fangelsi

Hin 23 ára Michelle Carter var í dag látin laus úr fang­elsi eftir tæp­lega eins árs fang­els­is­vist. Carter var látin laus fyrr vegna góðrar hegð­unar er fram kemur í frétt CNN.

Í ágúst 2017 dæmdi dóm­ari í Massachusetts Carter, þá 17 ára, í tveggja og hálfs árs fang­elsi, þar af fimmtán mán­uði óskil­orðs­bundið, fyr­ir aðild hennar að dauða Conrads Roy III. Carter og Roy voru par. Carter var fundin sek um mann­dráp af gáleysi en hún hafði margoft hvatt Roy til að svipta sig lífi í gegnum smá­skila­boð.

Glímdi við þunglyndi

Roy hafði glímt við þung­lyndi og rætt van­líðan sína við Carter í gegnum síma og smá­skila­boð. Þegar Roy sagði Carter frá sjálfs­vígs­hugs­unum sínum þá hvatti hún hann til að svipta sig lífi.

Roy svipti sig lífi þann 13. júlí árið 2014, þá 18 ára, eftir að hafa skrif­ast á við Carter og talað við hana í síma. Lík Roy fannst í bif­reið hans á bíla­stæði við Kmart-verslun í Fair­haven í Massachusetts-ríki. Hann lést vegna kol­sýr­ingseitr­unar.

Við rann­sókn máls­ins kom í ljós að Roy hafði hikað og orðið hræddur þar sem hann sat í bílnum við Kmart-versl­un­ina rétt áður en hann lést. Roy fór út úr bílnum og hringdi í Carter, hún sagði honum að setj­ast aftur upp í bíl­inn sem hann þá gerði.

Mál sem vekur upp spurningar

Málið hefur vakið mikla athygli og margt fólk hefur sett spurn­ing­ar­merki við það hvort hægt sé að gera mann­eskju ábyrga fyrir sjálfs­vígi ann­arrar mann­eskju. Verjandi Carter hélt því fram að Carter hefði hagað sér kæru­leys­is­lega en að hegð­unin væri ekki sak­næm og að Carter hefði einn tekið ákvörðun um að svipta sig lífi.Í maí í fyrra kom út heim­ild­ar­mynd HBO um mál MichelleCarter,

I Love you, Now Die.

Stiklu úr mynd­inni má sjá hér fyrir neðan.