Páll fékk góða heimsókn í vinnuna

Páll Magn­ús­son fékk heldur betur góða heim­sókn í vinn­una í hádeg­inu ef marka má nýja færslu á Facebook-síðu hans.

„Maður fær – sem betur fer – alls­konar skemmti­legt fólk í heim­sókn til sín í þingið. Heims­frægar rokk­stjörnur eru þó frekar sjald­séðir gestir, en Damon Albarn kom til mín í hádeg­inu og reynd­ist áhuga­sam­ari og fróð­ari um Ísland en margir aðrir sem ég þekki,“ skrifar Páll við mynd af sér og breska tón­list­ar­mann­inum Damon Albarn úr Blur.

Albarn hefur heim­sótt Ísland reglu­lega í næstum þrjá ára­tugi. Und­an­farið hefur hann unnið að verk­efni sem hann kallar More Pure the Stream Flows þar sem hann sækir inn­blástur í íslenskt lands­lag. Hann mun flytja verkið í Hörpu í júní.

Fyrir þá sem ekki vita þá er Albarn Íslands­vinur. Á hátindi frægð­ar­innar vandi hann komur sínar hingað til lands þar sem hann fékk að vera óáreittur og svo vel lík­aði honum að hann keypti bæði hlut í Kaffi­barnum á Smiðju­stíg í miðbæ Reykja­víkur og ein­býl­is­hús að Bakka­stöðum 109 í Reykja­vík.