Rifjaði upp þegar tígrisdýrið hans réðst á ókunnuga konu: „Þetta var slæmt slys“

Fyrr­ver­andi hnefa­leika­kapp­inn Mike Tyson eign­að­ist tvo tígris­dýraunga árið 1995 og dýrin hafði hann innan girð­ingar úti í garði hjá sér. Tyson rifj­aði nýverið upp þegar annað tígris­dýrið réðst á konu sem kom óboðin inn á á lóð hans.

Tyson rifj­aði atvikið upp í spjall­þætt­inum Fat Joe Show. Þátta­stjórn­and­inn greindi frá því að hann hefði heyrt sög­una þannig að eitt dýrið hefði sloppið yfir girð­ing­una og bitið nágranna Tyson.

Tyson leið­rétti þetta. Hann greindi frá því að hið rétta væri að konan hefði verið óboð­inn gestur á lóð hans og hún hefði sjálf klifrað yfir girð­ing­una með það að mark­miði að „leika við tígris­dýrin”.

„Tígris­dýrið þekkti kon­una ekki þannig að þetta var slæmt slys,“ sagði Tyson. Hann segir kon­una farið í mál við hann en að málið hafi verið látið niður falla þegar í ljós kom að það var hún sem stökk yfir girð­ing­una í leyf­is­leysi.

„Þegar ég sá hvað tígris­dýrið hafði gert við hana…ég átti mik­inn pen­ing á þessum tíma þannig að ég gaf henni 250.000 doll­ara, eða hvað sem það var,“ útskýrði Tyson. Hann sagði kon­una hafa verið afar illa farna eftir slysið.

Eins og áður sagði eign­að­ist Tyson tígris­dýraunga árið 1995. Hann við­ur­kenndi að hann hafi verið vit­laus á þeim tíma og viti núna að það er engin leið að temja tígris­dýr og hugsa um þau eins og hefð­bundin gælu­dýr. „Þau geta drepið þig óvart,“ sagði hann.

View this post on Instagram

The orig­inal #tigerk­ing

A post shared by Mike Tyson (@miketyson) on Mar 30, 2020 at 1:10pm PDT