Landlæknir hvetur fólk til að taka þátt í könnun um áfengisnotkun í tímum COVID-19

Könnun meðal Evr­ópu­þjóða um áfeng­is­notkun á tímum COVID-19 er nú aðgengi­leg á íslensku á vef emb­ættis land­læknis.

Á vef land­læknis segir að útbreiðsla COVID-19 og aðgerðir stjórn­valda hafi haft áhrif á dag­legt lífi almenn­ings, þar á meðal mögu­lega breytt áfeng­is­venjum fólks.

Vegna þessa er hópur rann­sak­enda að fram­kvæma könnun á hugs­an­legum breyt­ingum á notkun áfengis í Evrópu. Gögnin úr þess­ari könnun munu stuðla að betri skiln­ingi á neyslu­mynstri og heilsu­fari á tímum heims­far­ald­urs eða svip­aðra atvika sem fela í sér tak­mark­anir og sótt­kví.

Þessi könnun er til­komin úr sam­starfi vís­inda­manna í far­alds­fræði frá mörgum rann­sókn­ar­stofn­unum í Evrópu, þar á meðal Tækni­há­skól­anum í Dresden, Þýska­landi, og spít­al­anum Clínic de Barcelona á Spáni.

Könn­un­ina má nálg­ast hérna og svara þátt­tak­endur henni nafn­laust. Það tekur um 10 mín­útur að svara spurn­ingum könn­un­ar­innar.

Alma Möller land­læknir lýsti yfir áhyggjum vegna drykkju lands­manna í mars þegar ljóst var að áfeng­is­sala ÁTVR jókst í sam­komu­banni. Hún benti á að ekki væri gagn­legt að nota áfengi til að reyna að vinna bug á kvíða og áhyggjum.