Segir Arctic Adventures hafa skilað miklu í ríkiskassann og umræðuna valda sér vonbrigðum

Styrmir Þór Bragason, for­stjóri ferða­þjón­ustu­fyr­ir­tæk­is­ins Arctic Adventures, birtir fyrr í dag á Facebook-síðu sinni bréf sem hann sendi starfs­fólki sínu hjá Arctic Adventures í morgun. Með bréf­inu vill hann m.a. leið­rétta mis­skiln­ing hvað upp­sagn­irnar varðar en fyr­ir­tækið hefur sagt upp öllu starfs­fólki fyr­ir­tæk­is­ins og dótt­ur­fyr­ir­tækja og tóku upp­sagn­irnar gildi 1. maí.

Bréfið hefst á því að Styrmir segir ferða­þjón­ust­una á heims­vísu vera að ganga í gegnum hörm­ungar og í ljósi algjörs tekju­leysis var óhjá­kæmi­legt að grípa til upp­sagna. Hann segir dag­inn sem til­kynnt var um upp­sagn­irnar hafa verið sorg­ar­dag.

„Þessar aðgerðir munu gefa okkur ráð­rúm til þess að tryggja áfram­hald­andi rekstur Arctic og koma sterk til baka,“ skrifar Styrmir um upp­sagn­irnar.

Styrmir skrifar svo um ýmis nei­kvæð ummæli um fyr­ir­tækið og starfs­fólk þess sem hafa dúkkað upp á Netinu síðan til­kynnt var um upp­sagn­irnar. „Þar hafa ýmis mis alvar­leg orð verið látin falla. Í ljósi þeirra ummæla langar mig í stuttu máli að setja hlut­ina í sam­hengi,“ skrifar hann.

Skilað miklu í ríkiskassann

Hann seg­ist hafa verið sak­aður um að mis­nota úrræði rík­is­stjórn­ar­innar. „Eins og við öll vitum höfum við nýtt okkur þau úrræði sem boðið hefur verið upp á, líkt og flest önnur ferða­þjón­ustu­fyr­ir­tæki. Í því sam­hengi má ekki gleyma að Arctic Adventures hefur skilað ríku­lega til þjóð­fé­lags­ins á síð­ustu árum.“

Þá telur Styrmir upp það sem Arctic Adventures hefur greitt í skatta og önnur gjöld á síð­ustu þremur árum. Sem dæmi segir hann fyr­ir­tækið og dótt­ur­fé­lög þess hafa greitt um 1.700 millj­ónir króna í skatta og gjöld til rík­is­ins og ann­arra opin­berra aðila. Hann segir fyr­ir­tækið þá hafa greitt um 5.700 millj­ónir króna í laun til starfs­manna.

Hann segir það valda sér von­brigðum að sjá fólk sýna starfs­fólki fyr­ir­tæk­is­ins, sem kemur hvaðanæva af úr heim­inum, for­dóma.

„Það veldur mér miklum von­brigðum að sjá for­dóma og þjóð­ern­is­hyggju blossa upp á jafn ógeð­felldan hátt og raun ber vitni. Ég tek ummælum í garð starfs­fólks Arctic Adventures per­sónu­lega. Saman, í öllum fjöl­breyti­leika okkar, óháð þjóð­erni, búsetu, kyni, kyn­þætti eða kyn­hneigð, höfum við gert Ísland að betri áfanga­stað og af því eigum við að vera stolt.“

Hann segir deg­inum ljós­ara að fyr­ir­tækið hafi skilað miklu til þjóð­fé­lags­ins. „Ég er stoltur af að sjá að það fyr­ir­tækið sem ég er í for­svari fyrir hafi haft getu til að skila jafn miklu til þjóð­fé­lags­ins og raun ber vitni um.“

Hann segir fyr­ir­tækið verða til staðar þegar veiru­far­ald­ur­inn er yfir­stað­inn og ferða­menn fara aftur að streyma til lands­ins.

Pistil Styrmis má sjá í heild sinni hér fyrir neðan.

Sjá einnig: Arctic Adventure segir upp öllu starfs­fólki