„Mér finnst að við ættum frekar, ef við á annað borð ætlum að taka mikinn tíma í útlitsundirbúning, að fjaðra okkur“

Ýmsir þjóð­þekktir ein­stak­lingar létu áhuga­verð ummæli falla í vik­unni. Hér eru nokkur.

„Það er dap­ur­legt að aðgerð­ar­pakkar rík­is­ins skuli ákveðnir af fámennum hópi í stað víð­tækara sam­ráðs aðila vinnu­mark­að­ar­ins og stjórn­ar­and­stöð­unnar. Sér­stak­lega í ljósi þess hversu alvar­leg staðan er og þá stað­reynd að allar ákvarð­anir og skuld­bind­ingar hafa mikil áhrif á lífs­kjör almenn­ings og kom­andi kyn­slóðir.“

skrifar Ragnar Þór Ing­ólfs­son, for­maður VR, í færslu á Facebook þar sem hann greinir frá að VR auk SA ætli að hefja form­legt sam­starf um leiðir til að verja kjara­samn­ing þeirra félaga, kaup­mátt­inn og störfin.

Ragnar Þór Ing­ólfs­son Mynd / Hákon Davíð Björns­son

„Mér finnst að við ættum frekar, ef við á annað borð ætlum að taka mik­inn tíma í útlitsund­ir­bún­ing, að fjaðra okkur. Að farða sig er eitt­hvað svo pedestrian og marg-gert. Að fjaðra sig er avant garde. … Og ef að mér verða á mis­tök, heimsku­leg, eins og mæta í slopp eða eitt­hvað annað fávita­legt get ég tjargað mig og fjaðrað! Og svo kraf­ist þess að aðrir fund­ar­gestir sem hafa orðið sér til skammar komi tjarg­aðir og fjaðraðir. Þarf bara að passa að tjaran sé ekki heit svo að fólk slas­ist ekki,“

skrifar Sólveig Anna Jóns­dóttir, for­maður Eflingar, í færslu á Facebook eftir lestur greinar um förðun á fyrri fjar­fundum.

Sólveig Anna Jóns­dóttir, for­maður Eflingar.

Mynd: / Hallur Karlsson

„Nú eru kynntir aðgerð­ar­pakkar stjórn­valda og bankar ráð­ast í alls konar aðgerðir gagn­vart fyr­ir­tækjum og fólk­inu í land­inu. Stór­kost­leg til­færsla á fjár­munum mun eiga sér stað og ákvarð­anir um hvaða fyr­ir­tæki lifa og hvaða fyr­ir­tæki munu deyja verða teknar. Þá munu fjár­munir og störf glat­ast og margs konar lobbý­ismi fyrir sér­hags­munum mun eiga sér stað,“

skrifar Ágúst Ólafur Ágústs­son, þing­maður Sam­fylk­ing­ar­innar, í færslu á Facebook þar sem hann leggur til að sett verði á fót rann­sókn­ar­nefnd sem mun gera upp þær efna­hags­legu aðgerðir sem nú er ráð­ist í vegna hruns­ins.

Ágúst Ólafur Ágústs­son

„Þú missir vinn­una, ert rekin(n) eða rekur aðra, segir e-m upp störfum eða ert sjálfum/sjálfri sagt upp … mögu­leik­arnir eru margir. Vantaði okkur í alvör­unni orð­skrípið „að slíta ráðn­ing­ar­sam­bandi?“ spyr Stefán Pálsson sagn­fræð­ingur í færslu á Facebook í kjöl­far fjölda frétta af upp­sögnum í vik­unni.

Stefán Pálsson Mynd / Hákon Davíð Björns­son

„Ég hugsa núna hlýtt til alls góða starfs­fólks­ins hjá Icelandair. Í nokkur ár var ég rit­stjóri flug­tíma­rits félags­ins og naut mjög sam­starfs­ins við alla þar, að ekki sé minnst á frá­bæra þjón­ustu um borð alla tíð. Ég hlakka mikið til að fljúga á ný með Icelandair,“

skrifar Eliza Reid for­seta­frú á Facebook-síðu sína.

Eliza Reid