„Samúð á að vera okkur ofarlega í huga“

„Við getum hampað því sem við höfum hér gert. Við stöndum á tíma­mótum núna. Nú er mik­il­vægt að horfa fram á veg til að verja þann góða árangur sem við höfum náð. Við ætlum núna að slaka aðeins á en við megum ekki algjör­lega gefa okkur lausan taum­inn,“ sagði Guðni Th. Jóhann­es­son, for­seti Íslands, á dag­legum fundi Almanna­varna vegna COVID-19 rétt í þessu.

Guðni for­seti hrós­aði þar ýmsum sem tekið hafa þátt í bar­átt­unni gegn COVID-19 á Íslandi, meðal ann­ars þrí­eyk­inu Víði Reyn­is­syni, Þórólfi og Ölmu. Þar kom hann einnig inn á þátt lista­fólks sem hafa lagt sig fram við að létta lund þjóð­ar­innar og stytta henni stund­irnar á veiru­tímum. „Miðað við hvað gengur og ger­ist ann­ars staðar er ég nú og sem aldrei fyrr ánægður með að búa á Íslandi og stoltur af því að vera Íslend­ingur. Samúð á að vera okkar ofar­lega í huga. Í garð þeirra sem hafa misst ást­vini. Í garð þeirra sem hafa veikst illa. Í garð þeirra sem hafa misst vinn­una.“

Sjá einnig: „Þrátt fyrir allt sem hér má gera enn betur er gott að búa á Íslandi.“

Guðni og aðrir við­mæl­endur Mannlífs veltu fyrir sér björtu hlið­unum í veiru­far­aldr­inum í helg­ar­blaði Mannlífs.

„Við getum fagnað því, og litið á það sem jákvætt teikn, að víða um heim eru við­brögð okkar lofuð og talin til eft­ir­breytni. Þessu megum við fagna og muna að þrátt fyrir allt sem hér má gera enn betur er gott að búa á Íslandi, ekki síst þegar fólk tekst á við vanda í sam­ein­ingu,“ segir Guðni Th. Jóhann­es­son, for­seti Íslands, þegar hann er spurður um hvort ein­hver jákvæð teikn megi finna á tímum COVID-19. For­set­inn segir að ýmis jákvæð teikn megi finna og hrósar íslensku þjóð­inni fyrir lofs­verða sam­stöðu á mæðu­sömum tímum meðan þjóðin sé ann­ars ekki þekkt fyrir að lúta aga mjög vel.

Ekki má gleyma því að Íslend­ingar hafa látið lífið í far­aldr­inum, fjöldi fólks hefur misst atvinnu sína og efna­hags­erf­ið­leikar blasa við fjölda fyr­ir­tækja og heilu atvinnu­grein­unum. Guðni leggur á það áherslu um leið og hann veltir fyrir sér þeim jákvæðu teiknum sem far­ald­ur­inn geymir. „Það segir sig sjálft að ekk­ert, nákvæm­lega ekk­ert, er jákvætt við far­sótt sem leggur fólk að velli víða um heim. Þar að auki valda nauð­syn­legar aðgerðir til að vernda líf og heilsu okkar miklum efna­hags­legum skakka­föllum. Enn er langt í að veiran skæða verði yfir­buguð og lyf eða bólu­efni fundin sem duga gegn henni. Og hag­tjónið verður enn meira áður en yfir lýkur,“ segir Guðni. „En það mun birta til. Í því liggur vonin. Von sem er byggð á raun­sæi, þrátt fyrir allt, og þá getum við líka horft til þess hvernig brugð­ist hefur verið við vágest­inum, ekki síst hér á landi. Hér má finna mörg jákvæð teikn. Við erum sjálf­stæð í hugsun á þessu landi og ekki þekkt fyrir að lúta aga sér­lega vel. Engu að síður hefur þjóðin sýnt lofs­verða sam­stöðu þessa erf­iðu og mæðu­sömu daga. Almennt hefur fólk ákveðið að fylgja reglum, til­mælum og leið­bein­ingum um varnir gegn veirunni. Við höfum áður sýnt og sýnum það aftur nú að þegar á þarf að halda stöndum við saman.“

Guðni for­seti sér til­efni til að hrósa stjórn­mála­mönnum fyrir að hafa stað­ist þá freist­ingu að nýta far­ald­ur­inn til að auka eigin vin­sældir. „Ráðamenn hafa ekki heldur nýtt ástandið til að auka eigin völd og taum­hald á borg­ur­unum. Sú hætta er alltaf fyrir hendi við aðstæður af þessu tagi að vald­hafar sæk­ist eftir sviðs­ljós­inu til að afla sér fylgis og atkvæða. Þegar fulln­að­ar­sigur hefur unn­ist hér eigum við að þakka fólk­inu í fylk­ing­ar­brjósti og fólk­inu sem stóð í ströngu, heil­brigð­isliði okkar og öðrum sem sinntu sínum störfum af mik­illi sam­visku­semi við erf­iðar aðstæður,“ segir Guðni. „Við höfum einnig sýnt að við erum reiðu­búin að treysta ráð­gjöf og for­ystu þeirra sem best þekkja til í almanna- og veiru­vörnum. Þetta höfum við gert óháð því hvort vald­boði var beitt, og kunn – um því vel að sér­fræð­ingar okkar settu sig ekki á háan hest. Þetta er líka jákvætt teikn sem gott er að muna þegar fram líða stundir.“