Hvetur fólk til að sleppa bústaðaferðinni um páskana

Víðir Reyn­is­son yfir­lög­reglu­þjónn, hefur áhyggjur af því að fólk flykk­ist í bústað um pásk­ana. Hann segir það ekki vera góða hug­mynd og hvetur fólk til að „ferð­ast inn­an­húss“. Þessu greindi hann frá á upp­lýs­inga­fundi almanna­varn­ar­deildar rík­is­lög­reglu­stjóra áðan.

„Við höfum veru­legar áhyggjur af þessu,“ sagði Víðir sem hvetur fólk til að sleppa sum­ar­bú­staða­ferð­inni um pásk­ana.

Hann segir ýmsar ástæður vera fyrir því að sum­ar­bú­staða­ferð er vond hug­mynd núna. „Því fleiri sem eru á ferð­inni, því meiri líkur eru á að það verði slys,“ sagði Víðir og benti á að það myndi þá setja aukna pressu á heil­brigð­is­kerfið þar sem álagið er nú þegar mikið.

Hann sagði að ef margt fólk hóp­ast saman á sum­ar­bú­staða­svæði úti á landi er einnig verið að auka lík­urnar á að álag á heil­brigð­is­stofn­anir á þeim svæðum auk­ist.

Hann bætti við að nýtt umhverfi geti valdið því að fólk gleymi smit­varn­ar­regl­unum sem það er enn þá að venj­ast. „Þá er hætta á að við gleymum þeim reglum sem er búið að setja og smit­hætta eykst.“

Aðspurður hvort að það komi til greina að banna fólki að fara í sum­ar­bú­stað um pásk­ana sagði Víðir: „Við höfum rætt það. En við sjáum að fólk hlustar og fylgir leið­bein­ingum.“

Þórólfur tók undir með Víði og sagð­ist einnig hafa áhyggjur af því að það sé að koma þreyta í fólk.