Gámurinn móttaka fyrir þá sem eru mögulega smitaðir

Alþjóða­heil­brigð­is­stofn­unin WHO hefur gefið út að ríki heims yrðu að búa sig undir „mögu­legan alheims­far­aldur“ vegna COVID-19.

Yfirvöld hér á landi hafa gert ýmsar ráð­staf­anir til að efla varnir vegna útbreiðslu kór­ónu­veirunnar COVID-19. Land­spít­al­inn hefur t.d. tekið í notkun gáma­ein­ingu bráða­mót­tök­una í Fossvogi. Gáma­ein­ingin verður notuð til að bregð­ast við ef komi upp kór­óna­veirusmit hér á landi og þá til að koma í veg fyrir að smit­aðir kom­ist í snert­ingu við aðra sjúk­linga spít­al­ans.

Jón Magnús Krist­jáns­son, yf­ir­lækn­ir bráða­lækn­inga á Land­spít­al­an­um, sagði í sam­tali við mbl.is að til við­bótar við gám­inn hafa verið gerðar breyt­ingar á smit­sjúk­dóma­deild­inni vegna útbreiðslu COVID-19.

Þurfa ekki inn á bið­stofur

Á vef Land­læknis kemur fram að er ein­stak­lingur fær ein­kenni COVID-19 sýk­ingar ber honum að hafa sam­band sím­leiðis við síma Lækna­vakt­ar­innar 1700 og fylgja frek­ari fyr­ir­mælum.

Gáma­ein­ingin við bráða­mót­tök­una er þá hugsuð sem mót­taka og sótt­kví fyrir þá sjúk­linga sem grunar að þeir séu smit­aðir af COVID-19 sýk­ingu. Þannig þurfa þeir sjúk­lingar ekki að fara í gegnum bið­stofur spít­al­ans.

„Sóttkví er notuð þegar ein­stak­lingur hefur mögu­lega smit­ast af sjúk­dómi en er ekki enn þá veikur sjálfur. Ein­angrun á við sjúk­linga með ein­kenni smit­andi sjúk­dóms,“ segir á vef Land­læknis.

Sjá einnig: Segir stöð­una hafa breyst skyndi­lega yfir helg­ina