Sigmar Vilhjálmsson segir kórónuveirufaraldurinn hafa kennt okkur það að standa vörð um okkur sjálf, og íslenska framleiðslu og iðnað. Hann telur að núna sé jafnframt tími til að fjárfesta í endurbótum á innviðakerfi ferðaþjónustunnar.
Í miðjum heimsfaraldri er athafnamaðurinn Simmi Vill, sem varð fyrst landsþekktur fyrir að drekka ógeðsdrykki og stunda símahrekki, að opna tvo nýja staði: Barion bryggjan og Minigarðurinn.
Í forsíðuviðtali Mannlífs sem kemur út á föstudag ræðir Simmi æskuárin, föðurhlutverkið, framann, fyrirtækin og síðast en ekki síst, sjálfan sig.
Simmi er orkumikill og með ákveðnar skoðanir á öllu, en hann segist jafnframt ávallt tilbúinn til að skipta um skoðun komi í ljós að hans sé röng. Sem þekktur maður ratar hann oft í fjölmiðla en hann segist ekki vera viðkvæmur fyrir umfjöllun um sig eða neikvæðum ummælum.
„Ég er búinn að brynja mig fyrir skítkasti og lygum og megnið af því er bara ekki svaravert”
Hann segir stutt í vitleysinginn sem hann var í 70 mínútum þar sem hann gerði símahrekki og drakk ógeðisdrykki.
„Algjörlega, það er ekkert langt í hann. Mér finnst gaman að gera skrýtna hluti sko, það er stutt í strákinn í mér,“ segir Simmi og skellihlær. „Mér finnst líka gaman hvað ég hef komist upp með að fá að vera bara ég sjálfur. Ég segi hluti sem skipta máli og er tekinn alvarlega í umræðunni og svo næsta dag er ég að gera símaat með strákunum í útvarpsþætti. Mér þykir vænt um að fá að vera bara svolítið ég sjálfur og ég held að fólk eigi almennt ekki bara einhverja eina hlið. Við höfum séð stjórnmálamenn sem sýna á sér nýja hlið og það verða allir svo undrandi eins og stjórnmálamenn séu bara stjórnmálamenn, fólk á sér svo margar hliðar.“
Í helgarblaði Mannlífs er jafnframt rætt við Jóhann Helgason tónlistarmann, sem stendur í dómsmáli við útgáfurisa í Bandaríkjunum. Jóhann ræðir uppvaxtarárin í Keflavík, tónlistina sem togaði hann til sín, feimnina og frægðina.
Fráskilin hjón eiga í forræðisstríði á Stokkseyri. Karlmaðurinn, sem konan segir eltihrelli, hafnar ásökunum barnsmóður sinnar.
Wizz Air og fleiri flugfélög skoða möguleika á að opna útibú á Íslandi
Séð og Heyrt skoðar fræg ættartengsl.
Í Mannlíf má einnig finna gómsætar uppskriftir úr eldhúsi Gestgjafans, lífstílsefni frá Vikunni, viðtöl við tónlistarmenn, tísku, skoðanapistil og margt margt fleira.
Sérblað fylgir helgarblaði Mannlífs: Íslenskt, já takk!
Gríptu Mannlíf með þér á föstudag og eigðu notalega helgi.
Athugasemdir