Þeir sem ekki eru ánægðir með veðrið þessa dagana geta tekið gleði sína því samkvæmt spá Veðurstofu Íslands fer aftur að létta til á morgun, þriðjudaginn 9. júní, og reiknað er með allt að 11 gráðu hita og sól í höfuðborginni um miðjan dag á morgun. Enn betra verður veðrið á miðvikudaginn ef marka má spána því þá er spáð sól og blíðu um nánast allt land og um það bil 15 gráðu hita, léttskýjuðu og hægum vindi.
Sé litið lengra fram í tímann getur fólk glaðst yfir því að spáin fyrir komandi helgi er ljómandi góð og gangi spá Veðurstofunnar eftir verður brakandi sól og blíða um allt land laugardaginn 13. júní. Það ætti því að vera óhætt að fara að skipuleggja útilegur og bíltúra helgarinnar hvert á land sem er.
Athugasemdir