Icelandair fundar með flugfreyjum á morgun

Samn­ing­ar­nefndir Icelandair og Flug­freyju­fé­lags Íslands mæt­ast á samn­inga­fundi á morgun. Fund­ur­inn fer fram í hús­næði Rík­is­sátta­semj­ara.

Bogi Nils Bogason, for­stjóri Icelandair.

Flug­freyjur höfn­uðu síð­asta samn­ings­til­boði sem flug­fé­lagið kall­aði „loka­til­boð“ í frétta­til­kynn­ingu í síð­asta mán­uði. Þá lýsti for­stjóri Icelandair, Bogi Nils Bogason, yfir miklum von­brigðum með nið­ur­stöð­una.

Hann stað­festir að á morgun verði gerð til­raun hjá Rík­is­sátta­semj­ara en finn­ist ekki samn­ings­flötur þá þýði ekk­ert annað en fara aðrar leiðir. „Það gekk vel að ná ágætis lend­ingu við flug­menn og flug­virkja en ekki gengið eins vel með flug­freyjur. Það er ansi langt á milli ennþá og ef við finnum ekki flöt­inn núna er til­gangs­laust að halda áfram því tím­inn er að stytt­ast. Þannig er því miður staðan en við verðum að klára þetta núna til að hafa hlut­ina betur á hreinu til að útboðið tak­ist og ég er bjart­sýnn á það,“ segir Bogi.

Sjá nánar hér: Flug­freyjur höfn­uðu „loka­til­boð­inu“

Icelandair stefnir á að hafa náð sam­komu­lagi við alla hags­muna­að­ila fyrir 29. júní næsta­kom­andi því í fram­hald­inu er stefnt á hluta­fjár­út­boð til björg­unar félag­inu. Að ná samn­ingum við flug­freyjur er þar stór liður og reynir á nefnd­irnar að ná saman á fundi morg­un­dags­ins.