Rasísk skila­boð skrifuð til Magnúsar: „Ef þú ert brúnn eða svartur, farðu úr bænum“

Magnús Secka, 19 ára gam­all, var á leið í sum­ar­frí ásamt móður sinni, Söru Magn­ús­dóttur, þegar mæðginin urðu fyrir kyn­þátta­for­dómum.

Við stutt stop í vega­sjoppu á Snæ­fells­nesi var lím­miði límdur á hlið­ar­spegil bíls þeirra með orð­unum „If you are brown or black plea­se lea­ve this town“ eða „Ef þú ert brúnn eða svartur vin­sam­leg­ast farðu úr bænum.“

„Ég sótti Magnús á Snæ­fells­nesi í gær, þaðan keyrðum við innar á Snæ­fells­nes og aftur keyrðum við að bíl hans. Þegar við leggjum bílnum til að hoppa yfir í annan bíl þá tek ég eftir þessum límda miða á hlið­ar­spegl­inum far­þega­megin sem hann sat í, á þessu ferða­lagi… vitum ekki hvenær eða hvar hann var settur, en á einum af þessum tveimur stöðum… en þetta er snarlasið og þegar maður fer að spá í því, mjög óþægi­legt og fer­legt bók­staf­lega,” segir Sara í færslu á Facebook. „Það þarf að berj­ast gegn þessu.“

Upp­haf­lega birti Sara áning­ar­stað­ina í færslu sinni, en hefur tekið þá út enda segir hún atvikið ekk­ert hafa með starf­semi stað­anna að gera.

„Það er nátt­úru­lega þannig að ef þetta hefði komið fyrir ann­ars staðar en á Ís­landi væri hægt að kæra þetta sem hat­urs­glæp og gera eitt­hvað í þessu,“ segir Sara á­kveðin um málið í við­tali við Frétta­blaðið.

„Mér fannst þetta aðal­lega vera creepy og skrítið,“ segir Magnús, sem hefur ekki verið fórn­ar­lamb svona árásar áður, en hann tók mynd af skila­boð­unum og sendi áfram til vina sinna, sem héldu að um grín væri að ræða.

„Maður á ekki að þurfa að sitja undir lé­legu gríni eða vera með ein­hvern þykkan skráp af því að maður er ekki hvítur á lit­inn,“ segir Sara.

„Fólk á að fá að lifa sínu lífi í friði þrátt fyrir að það passi ekki inn í ein­hverja staðal­í­mynd sem er búið að búa til. Það er alltaf ömur­legt að lenda í svona og það þarf að berj­ast gegn svona hegðun.“