Sigmundur segir engan óhultan fyrir skaðlegum áhrifum pólitísks réttrúnaðar

Sig­mundur Davíð Gunn­laugs­son, for­maður Mið­flokks­ins, segir áhrif póli­tísks rétt­trún­aðar vera skað­leg sam­fé­lag­inu. Nú sé í gangi ný menn­ing­ar­bylt­ing­ sem ýti undir kyn­þátta­hyggju og fel­i í sér end­ur­skoðun sög­unnar, fórn­ar­lambs­menn­ingu og sam­fé­lags­legar aftökur.

„Nú þarf að standa vörð um grunn­gildi vest­rænn­ar sið­menn­ing­ar. Þau gildi sem skilað hafa sam­fé­lög­um meiri ár­angri en nokkuð annað í mann­kyns­sög­unni. Þar ber hæst hug­sjón­ina um að all­ir skuli telj­ast jafn­rétt­há­ir óháð lík­am­leg­um ein­kenn­um … Byggj­um áfram á því besta sem síð­ustu árþús­und hafa skilað okk­ur en köst­um því ekki á glæ til að þókn­ast þver­sagna­kennd­um og göln­um tíð­ar­anda sum­ars­ins 2020,“ segir Sig­mundur Davíð Gunn­laugs­son, for­maður Mið­flokks­ins, í aðsendri grein í Morg­un­blað­inu í dag, undir yfir­skrift­inni Sumarið 2020 og nýja menn­ing­ar­bylt­ingin.

Í grein­inni fjallar Sig­mundur Davíð um skað­leg áhrif póli­tísks rétt­trún­aðar, sem virð­ast tröll­ríða öllu á Vest­ur­löndum að mati for­manns­ins. Tilefni skrif­anna virð­ist meðal ann­ars vera bar­átta hreyf­ing­ar­innar Black Lives Matter gegn ofbeldi stjórn­valda og lög­reglu á svörtu fólki í Banda­ríkj­unum, en hreyf­ingin hefur sér­stak­lega látið til sín taka eftir að morð lög­reglu á George Floyd í Minn­ea­polis náð­ist á mynd­band og var dreift á sam­fé­lags­miðlum í lok maí á þessu ári.

Virðist Sig­mundur Davíð telja að hreyf­ingin end­ur­veki kyn­þátta­hyggju og sé hluti af nýrri menn­ing­ar­bylt­ingu sem beri m.a. með sér öll ein­kenni öfga­trú­ar, „þ.m.t. at­hafn­ir sem fólki er ætlað að und­ir­gang­ast til að sanna und­ir­gefni sína gagn­vart rétt­trún­að­inum“.

„Menn­ing­ar­bylt­ing Vest­ur­landa er byggð á því sem kallað hef­ur verið fórn­ar­lamba­menn­ing. Til­hneig­ingu til að skipa fólki í hópa sem njóta mis­mik­illa rétt­inda eft­ir því hversu hátt þeir skora á óform­leg­um fórn­ar­lamba­skala,“ skrifar Sig­mundur Davíð meðal ann­ars í grein sinni.

Þótt leið­tog­ar nýju menn­ing­ar­bylt­ing­ar­inn­ar hafi ekki vald til að taka fólk af lífi séu þó af­tök­ur eitt helsta ein­kenni hreyf­ing­ar­inn­ar, það er að segja sam­fé­lags­leg­ar af­tök­ur, bendir hann á. All­ir sem fjalli á gagn­rýn­inn hátt um at­b­urðarás­ina geti átt von á að verða „tekn­ir af lífi“ á sam­fé­lags­miðlum og í fjöl­miðlum. Þar sé eng­inn óhult­ur. Meira þeir sem taki þátt í henni geti vænst þess að verða skot­mörk síðar meir. „Bylt­ing­in étur börn­in sín“. Til við­bót­ar við rit­skoðun sam­tímaum­ræðu felist mik­il­væg­ur þátt­ur menn­ing­ar­bylt­ing­ar­inn­ar síðan í því að end­ur­skrifa sög­una. Þar sé ekk­ert óhult, hvorki sígildar kvik­myndir né sögu­leg minn­is­merki.

Telur Sig­mundur Davíð tíma­bært að spyrna við fótum og standa vörð um grunn­gildi vest­rænn­ar sið­menn­ing­ar. Gildin sem skilað hafa sam­fé­lög­um meiri ár­angri en nokkuð annað í mann­kyns­sög­unni.