Timothée Chalamet leikur Bob Dylan

Hjartaknús­ar­inn Timothée Chalamet æfir nú stíft fyrir hlut­verk sitt sem Bob Dylan í mynd­inni Going Electric sem James Mangold leik­stýrir. Myndin fjallar um þann tíma í lífi Dylans þegar hann skipti úr óraf­magn­aðri þjóð­lagatón­list yfir í raf­magnað rokk, breyt­ing sem olli miklum usla á sínum tíma. Bob Dylan sjálfur virð­ist hæstá­nægður með verk­efnið og er sagður einn fram­leið­enda mynd­ar­innar.

Timothée Chalamet varð alheims­stjarna á einni nóttu fyrir leik sinn í mynd­inni Call Me By Your Name árið 2017 og hefur síðan haldið áfram að heilla áhorf­endur í myndum á borð við Little Women og The King. Hann tekur hlut­verk sitt sem Dylan greini­lega mjög alvar­lega og sést hefur til hans í New York með gít­ar­tösku á leið á æfingar í gít­ar­leik, eftir því sem Vogue full­yrðir. Hann lék reyndar smá­vegis á gítar í Call Me by Your Name, en það er meira en að segja það að feta í fót­spor Dylans í gít­ar­leiknum og eðli­legt að leik­ar­inn ungi þurfi strangar æfingar í list­inni.

Dylan var síð­ast við­fangs­efni kvik­myndar í magn­aðri mynd Todd Haynes, I’m Not There árið 2007, þar sem stór­stjörn­urnar Christian Bale, Cate Blanchett, Marcus Carl Franklin, Richard Gere, Heath Ledger, og Ben Whishaw léku Dylan á mis­mun­andi tíma­skeiðum í lífi hans og ferli.