Herferð Samherja og Þorbjörns Þórðarsonar. fyrrverandi fréttamanns, á hendur Helga Seljan er einhver sú mislukkaðasta sem stórfyrirtæki hefur lagt upp í. Viðbúið ert að fyrirtækið hafi lagt himinháar upphæðir á almennan mælikvarða í öflun á efni og gerð myndbanda til að knésetja fréttamanninn.
Gríðarleg viðbrögð urðu við umfjölluninni og flest á eina lund og Þorsteinn Már Baldvinsson forstjóri fékk óhróðurinn, sem Þorbjörn og félagar matreiddu, í andlitið aftur. Þorsteinn Már hefur ekki þorað í viðtöl við aðra fjölmiðla en þá sem eru elskir að honum og bjóða gælur. Hann mætti í Reykjavík síðdegis á Bylgjunni og flutti þar að mestu einræðu undir lágtóna spurningum þáttastjórnenda. Hann var greinilega í uppnámi vegna mannvonskunnar í garð Samherja eftir birtingu myndbandsins þar sem Helgi er sakaður um fölsun skýrslu. Samherji hefur verið gerður afturreka með þær ásakanir.
Aðspurður um næsta myndband sagði hann að líklega þyrfti að láta storminn lægja. Hugsanlegt er að ekki birtist fleiri myndbönd og fyrirtækið hugsi upp nýjar leiðir til að bæta ímynd sína sem er í molum. Raddir eru uppi um að heppilegast væri fyrir félagið að láta af herferðinni og biðjast afsökunar á óhróðrinum …
Athugasemdir