Gunnar Smári vill stofna frídag Herði og frelsisbaráttu samkynhneigðra til heiðurs

Gunnar Smári Egilsson, stofn­andi Sós­í­alista­flokks­ins, telur íslensku þjóð­ina þok­ast áfram til hins betra þökk sé Herði Torfa­syni tón­list­ar­manni og fólki honum líkt. Stjórn­mála­leið­tog­inn segir lista­mann­inn hafa brotið blað í frels­is­bar­áttu sam­kyn­hneigðra og rétt­inda­bar­áttu almenn­ings almennt.

Hörður fagnar 75 ára afmæli sínu í dag og honum til heið­urs ritar Gunnar Smári lof­pistil á Facebook. „Hörður er sjö­tíu og fimm ára í dag, hvort sem þið trúið því eða ekki. Hann kann allt og getur; sungið, samið, teiknað, leikið, spilað og galdrað fram alls konar, ekki síst and­stöðu. Hörður er Rosa Park okkar Íslend­inga, braut blað með því að koma út úr skápnum sem hommi 1975, fara þangað sem mátti ekki, krafð­ist viringar fyrir það sem hann var,“ segir Gunnar Smári.

Hörður Torfason lista­maður

Gunnar Smári segir fram­lag Harðar til bar­áttu sam­kyn­heigðra vera stór­virki því hann hafi staðið sem eins manns hreyf­ing óvar­inn gegn ógn­ar­afli hat­urs. „Hörður rataði til baka, vann sér aftur inn mál­frelsi og til­veru­rétt í sam­fé­lag­inu, tók þátt í frels­is­bar­áttu sam­kyn­hneigðra og lék síðan lyk­il­hlut­verk í bús­á­halda­bylt­ing­unni, byggði upp vett­vang fyrir and­stöð­una og gjall­ar­horn fyrir fólk með mik­il­vægar skoð­anir og sýn. Það sem hann skap­aði í bús­á­halda­bylt­ing­unni var vett­vangur og far­vegur sem bar­áttu­fólk gat notað til góðs. Til að breyta þarf hvort tveggja; fólk og vett­vang. Og þótt fram­lag margra þeirra sem stigu fram hafi verið mik­il­vægt var hið hóg­væra til­legg Harðar mik­il­væg­ast. Fyrir það má taka ofan fyrir honum alla daga.“

Gunnar Smári er þeirrar skoð­unar að þjóðin sé að þok­ast í betri átt og það sé meðal ann­ars Herði að þakka. Honum finnst að afmæl­is­dag tónlst­ar­manns­ins eigi að gera að opin­berum frídegi. „Ef við Íslend­ingar værum ekki svona kryppl­aðir í sál­inni og beygðir undir valdið þá væri 4. sept­em­ber opin­ber frí­dagur Herði til heið­urs, grunn­skóla­börn hefðu eytt vik­unni í að kynn­ast starfi hans og bar­áttu­málum og hann fengi á eftir heið­urs­nafn­bót við Háskóla Íslands. En við erum ekki komin þangað. Við erum á leið­inni, en förum hægt. Það sem við þok­umst er fólki eins og Herði að þakka,“ segir Gunnar Smári.