Ætla að skjóta Kasmír – Skotleyfi á vinsælan hrafn á Suðurnesjum: „Túristunum er illa við hann“

Um helg­ina bár­ust fregnir af því frá Suð­ur­nesjum að skot­leyfi hafi verið gefið út á mann­gæfan hrafn sem hefur heilað íbúa upp úr skónum. Krumminn er sagður heita Kasmír. Túristum er þó illa við hana og því á að skjóta Kasmír.

Vík­ur­fréttir greindu frá þessu um helg­ina. Þar segir að hrafn­inn eigi eig­endur og sé alinn upp í Vogum á Vatns­leysu­strönd. Kasmír sé í raun gælu­dýr. Hann hafi sloppið og er hans því leitað grimmt. Hrafninn er sagður vin­sæll meðal íbúa á svæð­inu þrátt fyrir að vera hrekkj­óttur, enda varla hægt að erfa það við hrafna.

Í frétt­inni er ferðum Kasmír und­an­farið lýst svo: „Síðustu daga hefur krummi hins vegar lagt upp í lengri ferða­lög og fór til Grinda­víkur í síð­ustu viku þar sem hann fylgd­ist með fót­bolta­leik og vildi með leik­mönnum inn í klefa í hálf­leik. Þá hafa borist fréttir af því að krummi hafi komið við í Bláa lón­inu og verið að stríða gestum þar, sem hafa tekið mis­vel í upp­á­tæki hrafns­ins.“

Sumir vilja tengja heim­sóknir Kasmír í Bláa lónið við að það eigi að skjóta hana. Í það minnsta sýður á Íslend­ingum á vef­síð­unni Reddit út af þessu. „Dýra­níð­ingar í Grinda­vík. Það á að skjóta mann­gæfan hrafn, því túrist­unum í Bláa lón­inu er illa við hann,“ skrifar einn. Annar segir: „Nei nú fer ég og kaupi mér 5 skot­leyfi á túrista.“

Sá þriðji spyr hvort hrafnar séu ekki frið­aðir: „Hang on, gefið hefur verið skot­leyfi á hrafn­inn? Síðan hvenær er svo­leiðis bara útbýtt við beðni? Er krummi ekki líka frið­aður? Ég veit að umhverf­is­mála­ráð­herra getur tíma­bundið aflétt svo­leiðis frið­unum, en eitt­hvað efa ég að einn hrekkja­lómur út á landi sé nóg til þess.“

Sá fjórði segir hrafna reyndar rétt­dræpa allt árið. „Hrafnar eru ekki frið­aðir. Það má ekki skjóta þá á hreiðri en ann­ars eru þeir rétt­dræpir allt árið um kring alls staðar á land­inu. Svo fram­ar­lega að þú hafir gilt veiði­leyfi máttu skjóta eins marga og þú vilt.“