Anna Karen hagfræðingur í Mogganum: „Svartir yfirgnæfandi meirihluti afbrotamanna“

„Þrátt fyrir að vera bara 13,4% þjóð­innar þá eru svartir í lang­flestum til­fellum yfir­gnæf­andi meiri­hluti afbrota­manna. Sem dæmi voru sam­kvæmt árs­skýrslu New York Police Depart­ment árið 2019 afbrota­hlut­föllin þessi: Morð: Svartir 56,6% Hvítir 4,6% Nauðg­anir: Svartir 40,7% Hvítir 6,7% Rán: Svartir 59,4% Hvítir 5,2%“

Þetta segir Anna Karen Jóns­dóttir hag­fræð­ingur í pistli sem birt­ist í Morg­un­blað­inu. Þar finnur hún rétt­inda­bar­áttu svarta í Banda­ríkj­unum, Black Lives Matter, allt til for­áttu. Hún segir hreyf­ing­una vilja­laust verk­færi á vegum bæði komm­ún­ista í Kína og vest­rænna millj­arða­mær­inga. Mark­miðið er að hennar sögn að rústa vest­rænni menn­ingu. Ljóst er að skoð­anir hennar eru ansi langt frá meg­in­straum íslensks sam­fé­lags.

Tón­list­ar­maður Logi Pedro segir á Twitter að þetta sé svo svæs­inn ras­ismi að hann veltir því fyrir sér hvort Anna Karen sé til í raun og veru.

Anna Karen byrjar á því að telja upp töl­fræði sem eiga sýna glæpa­hneigð svartra. „Black Lives Matter segj­ast berj­ast gegn ras­isma í Banda­ríkj­unum af hendi hvítra. Samtökin vilja affjár­magna lög­regl­una þar sem hún sé rasísk og fremji fjöldamorð á svörtum. Árið 2019 voru Banda­ríkja­menn 328.239.523 sam­kvæmt Census Bureau og 13,4% af þeim voru voru svört, það gera 43.984.096. Árið 2019 voru 10 svartir óvopn­aðir skotnir til dauða sam­kvæmt gagna­grunni Washington Post. Það þýðir að einn af hverjum 4.398.409 er drep­inn af hendi lög­reglu. Þessar tölur sýna annan veru­leika en „fjöldamorð svartra“ sem sam­tökin mála oft upp,“ skrifar Anna Karen og heldur áfram:

„Til sam­an­burðar voru 48 lög­reglu­menn myrtir. Hver sá sem lýsir yfir stuðn­ingi við lög­regl­una á þessum morðum á hins vegar á hættu að vera rek­inn úr vinnu eða skóla. Þetta ger­ist ítrekað en fær því miður litla umfjöllun í fréttum. Það er allt í einu komið sama­sem­merki á milli þess að styðja lög­regl­una og að vera ras­isti …“

Rasismi langsótt skýring því árið 2020

Hún tengir svo #metoo hreyf­ing­una við rétt­inda­bar­áttu svartra vest­an­hafs. „Hlut­föllin hald­ast milli ann­arra ríkja. Það er erfitt að átta sig á því á hvaða rökum sam­tökin BLM byggja kröfur sínar um affjár­mögnun lög­regl­unnar. Þrátt fyrir að þessi krafa hafi verið illa rök­studd hefur yngri kyn­slóðum verið seld þörfin á að affjár­magna lög­regl­una í ótrú­legum mæli. Er fólk í fátækra­hverfum ekki jafn ábyrgt gjörða sinna og aðrir? Hvað með kyn­ferð­is­brota­þolendur? Eru þeir síður fórna­lömb ef árás­armað­ur­inn var svartur og af því kerfið heldur honum niðri? Gildir #Metoo ekki um svarta afbrota­menn?,“ spyr hún.

Anna Karen gefur í skyn að ástæðan fyrir þessu sé að svört börn fæð­ist oft utan hjóna­bands. „Það eru margir þættir sem hafa áhrif á fátækt. Það má velta því fyrir sér hvort það sé út af menn­ingu eða vegna þess að 70% af lit­uðum börnum í dag fæð­ast utan hjóna­bands. National Council on Family Relations gaf út rit­rýnt fræði­rit árið 2000, nið­ur­stöður þeirra gefa til kynna að bæði skiln­að­ar­börn og börn utan hjóna­bands eru lík­legri til að búa við fátækt, sam­an­borið við gifta ein­stak­linga með börn,“ segir hún

Hún telur ras­isma ekki bera ábyrgð á þessu, árið sé jú 2020. „Ástæður fátæktar geta verið margar og flóknar. Rasismi er hins vegar lang­sótt skýr­ing árið 2020. Ef hvíti mað­ur­inn stjórnar efna­hagnum milli kyn­þátta og heldur þannig efna­hags­stöðu svartra niðri, ætti þá sá hvíti ekki að hafa sett sig í fyrsta launa­flokk á undan Asíu­bú­anum? Slíkt er ekki raunin en Asíubúar eru í flestum mæl­ingum með betri afkomu en hvítir. Hvíti kyn­stofn­inn ber ekki ábyrgð á fjár­hags­stöðu svarta manns­ins og efna­hags­leg staða fólks rétt­lætir hvorki rán, morð né nauðg­anir. Sama hvaða kyn­stofn fremur glæp­inn,“ segir Anna Karen.

Gates og kommúnistar í samkrulli

Hún veltur því næst upp hvort Black Lives Matter hreyf­ingin séu í raun komm­ún­istar. „Svo að dæmi séu tekin þá vilja þau „dis­r­upt the western nuclear family“ og segj­ast einnig vera „anti-capitalist“. Því hvetja þau alla til að snið­ganga „white capitalism“ og þar af leið­andi vörur sem fram­leiddar eru af fyr­ir­tækjum í eigu hvítra aðila. Af hverju hljóma þessi stefnu­mál eins og skrifað úr ritum Karls Marx? Það er góð spurn­ing. Gæti það verið vegna þess að stofn­endur hreyf­ing­ar­innar hafa margoft sagst vera þjálfaðir marx­istar?,“ spyr Anna Karen.

Hún seg­ist sjá sam­særi komm­ún­ista og Bill Gates á baki við hreyf­ing­una. „Stjórn­mála­menn úr komm­ún­ista­hreyf­ingu Kína hafa lýst stuðn­ingi sínum við BLM. Kína sem er þekkt fyrir að fara í sál­fræði­legar hern­að­ar­að­gerðir gagn­vart sínu fólki og í öðrum löndum. Land sem heldur fleiri millj­ónum manna í þrælk­un­ar­búðum. Land sem metur sitt eigið fólk eftir „social rank­ing credit“ er allt í einu farið að berj­ast fyrir mann­rétt­indum svartra. Hversu glær ætlum við að vera? Höfum við gleymt Tiann­an­men Square 1989? Topp 1% eða „elítan“ hefur einnig lagt sitt af mörkum og sem dæmi má nefna George Soros, Jeff Bezos og Bill Gates. Setja má spurn­ing­ar­merki við það af hverju hvítir millj­arða­mær­ingar vilji styðja hreyf­ingu sem hvetur fólk til að snið­ganga þeirra eigin fyr­ir­tæki. Hverra hags­muna ætli þetta fólk hafi að gæta?,“ spyr Anna Karen.

Hreyfing er gerð til að eyðileggja vestræn gildi

Hún gengur enn  lengra og segir hreyf­ing­una hryðju­verka­sam­tök. „Með­höndlun fjár­magns­ins sem þessir fjár­sterku aðilar leggja hreyf­ing­unni til fer í gegnum Susan Ros­en­berg og situr hún í fjár­öfl­un­ar­nefnd sam­tak­anna BLM. Susan þessi er dæmdur hryðju­verka­maður og ævi­langur aktí­visti, sem hefur leitt til dauða þó nokk­urra manna. Hreyf­ingin snýst ekki um ras­isma heldur póli­tísk völd. Ef þú brennir fyr­ir­tæki, lemur, drepur eða nauðgar öðru fólki og gjör­sam­lega rústar heilu borg­unum, ertu þá ekki hryðja­verka­maður?,“ spyr hún.

Að lokum segir hún það beint út að mark­mið rétt­inda­bar­áttu svartra sé að eyði­leggja vest­ræn sam­fé­lög: „Fólkið sem gagn­rýnir nas­ista Hitlers er á sama tíma búið að lýsa yfir stuðn­ingi við sam­tökin á sam­fé­lags­miðlum. Yuri Bezmenov, upp­ljóstr­ari í njósn­a­deild KGB, var­aði Evrópu við sál­fræði­legum hern­aði sem myndi breyta okkur í „nyt­sama fávita“ (e. useful idiots) sem bjóði komm­ún­isma vel­kom­inn inn í landið okkar. Þegar þó nokkuð stór hópur yngri kyn­slóða styður sam­tökin ótt­ast ég að við­var­anir Yuri Bezmenov hafi ekki dugað. Það liggur í augum uppi að þessi hreyf­ing er gerð til að eyði­leggja vest­ræn gildi og vest­ræn sam­fé­lög.“