Heiðar segir kotasælu geta læknað krabbamein: „Flestir geta séð um þetta sjálfir heima hjá sér“

Heiðar Ragn­ars­son, mat­reiðslu­meist­ari, nudd­ari, dáleið­ari og augn­les­ari, full­yrðir að nátt­úru­lega með­ferðir lækni krabba­mein. Hann hvetur fólk til að blanda saman kota­sælu og kald­hreins­aðri hörfræsolíu í bar­áttu við sjúk­dóm­inn ill­víga.

Þessu heldur Heiðar fram í aðsendri grein í Morg­un­blað­inu í dag. Þar gefur mat­reiðslu­meist­ar­inn les­endum ráð hvernig best er að mat­reiða blönd­una kröft­ugu. „Besta aðferðin til að auka súr­efn­is­upp­töku frumna lík­am­ans væri að borða blöndu af kota­sælu og kald­hreins­aðri hörfræsolíu, gott er að blanda þessu mjög vel saman t.d. með töfra­sprota, það má blanda út í þetta ef vill kefír og/eða hreinni líf­rænni jógúrt. Ef við tökum um það bil hálfa litla dós af kota­sælu og eitt­hvað af kefír eða jógúrt þarf 4-6 mat­skeiðar af hörfræsolíu út í það. Það má hafa smá­vegis af berjum eða ávöxtum út í þetta ef vill en að sjálf­sögðu engan við­bættan sykur eða sætu­efni. Eftir blöndun er þetta um ein lítil dós og það má skipta henni niður í 2-3 skammta yfir dag­inn,“ segir Heiðar.

Heiðar bendir á að þessi aðferð hafi verið þróuð af hálærðum vís­inda­manni sem margoft hafi verið til­nefnd til nóbels­verð­launa, Johanna Budwig. Hann skilur illa hvers vegna heil­brigð­is­starfs­fólk hér­lendis eigi erfitt með að ræða nátt­úru­lega aðgerðir sem leið í bar­átt­unni við krabba­mein. „Öll höfum við lent í því að vinur eða ætt­ingi hefur greinst með krabba­mein og því miður er það svo að margir lát­ast úr þessum sjúk­dómi innan fárra ára þrátt fyrir að fara í það sem oft er sagt besta hugs­an­lega með­ferð. Því miður er það svo að þær með­ferðir sem aðal­lega eru not­aðar hér­lendis virð­ast í um helm­ingi til­fella ekki ráða við sjúk­dóm­inn nema í örfá ár og ef sjúk­lingur spyr um aðra mögu­leika er svarið oft­ast að þetta sé eina raun­hæfa með­ferðin og tal um annað sé draum­órar og óábyrgt hjal.“

Mat­reiðslu­meist­ar­inn segir nátt­úr­legu aðferð­ina sem hann nú talar fyrir vera sára­ein­falda og byggir hún á sam­virkni efna sem til eru í flestum heilsu- og mat­vöru­versl­unum.  „Lyk­il­at­riðið er hollt mat­ar­ræði þar sem sykur og hvítt hveiti er snið­gengið. Flestir geta séð um þetta sjálfir heima hjá sér. Með­ferðin bygg­ist á því að styrkja og efla ónæm­is­kerfið sem getur þá ráðið við krabba­meinið,“ segir Heiðar og bætir við dæmisögu af krabba­meins­sjúk­lingi sem lækn­að­ist vegna Budwig-með­ferð­ar­innar.

„Tom Roland var bara 37 ára þegar hann var fluttur með hraði á sjúkra­hús með slæman höf­uð­verk og flök­ur­leika. Hann hélt að þetta væri slæmt mígreni en skoðun leiddi í ljós að hann var með ill­kynja æxli í heila. Hann fór í aðgerð tveimur dögum síðar þar sem megnið af æxl­inu var skorið burt en lækn­ir­inn sagði honum að svona æxli kæmu nán­ast alltaf aftur. Hann gæti prófað að fara í geisla­með­ferð en hún myndi vænt­an­lega bara auka lífslíkur hans úr sex mán­uðum í tólf. Tom próf­aði að fara í geisla­með­ferð en hætti henni fljótt því hún var mjög kvala­full. Þau hjónin fóru að skoða aðra mögu­leika og var bent á Budwig-kúr­inn sem hann byrj­aði strax á, tvisvar á dag, hann tók auk þess inn mulið hákarla­brjósk og konan hans nudd­aði höfuð hans með ilm­kjarna­olíu. Við skoðun eftir þrjá mán­uði hafði ekk­ert nýtt æxli mynd­ast og þremur mán­uðum þar á eftir voru allar eft­ir­stöðvar æxl­is­ins horfnar.“