Ásgeir Kolbeins fær á baukinn – Sér fram á dauða veitingastaða – „Að springa úr karlafrekju“

„Þetta er ástand sem eng­inn ræður við og ekki hægt að setja neinar for­sendur. Auðvitað það sem er verst í þessu er að það er alltaf verið að herða meira og meira. Síðan spyr maður sig, hvernig verður þetta tekið af? Þetta er það sem gerir rekst­ur­inn alveg hrika­legan erf­iðan. Það er ekk­ert hægt að plana.“

Þetta sagði Ásgeir Kol­beins­son í Morg­un­út­varp­inu á Rás tvö í morgun. Hann rekur veit­inga­stað­inn Punk og segir stöðu veit­inga­manna skelfi­lega um þessar mundir. Mál­flutn­ingur Kolbeins hefur fengið nokkra gagn­rýni, til að mynda af Hildi Lilli­endahl á Twitter. Mynd af Kolbeini er auk þess í dreif­ingu á sam­fé­lags­miðlum þar sem hann virð­ist bíða í röð í skimun, sá eini ekki með grímu. Mannlífi er ekki kunn­ugt um aðdrag­anda mynd­ar­innar né hvort hún sé mögu­lega sam­sett, ljóst er þó að fer eins og eldur um sinu.

Í við­tal­inu á Rás 2 í morgun sagði Ásgeir að helsta krafa veit­inga­manna sé að slakað yrði á inn­heimtu hjá ríki og líf­eyr­is­sjóðum. Erfitt sé nú að standa skil á launa­greiðslum og því stefni í fjár­nám hjá mörgum. „Eina sem ger­ist í þannig umhverfi er að það eru ein­hverjir hrægammar sem geta síðan sópað til sín stöðum og fyr­ir­tækjum, bara með því að kaupa upp eitt­hvað þrotabú sem ann­ars hefði mátt bjarga frá fjöl­skyldum eða öðrum rekstr­ar­að­ilum sem hafa staðið að góðum rekstri til margra ára,“ sagði Ásgeir.

Hann sagði enn fremur að veit­inga­staðir séu oft reknir með það í huga að vet­ur­inn verði rólegri. Þá sé þó gert ráð fyrir því að mán­uð­irnir á undan hafi verið betri. Hann veltir því fyrir sér hvort það sé ekki best að skella í lás.

„Ofan á það að vera ekki með nein úrræði þá er algjör­lega verið að keyra í blindni með þetta allt saman. Það liggur við að það væri betra fyrir okkur að loka í stað­inn fyrir að sprikla í þessu með svona svaka­legar tak­mark­anir. Tekju­hliðin er algjör­lega hrunin en samt er verið að leyfa okkur að halda opnu, til að gera hvað? Ná í ein­hverjar krónur til þess að segja: Þið eruð með opið og við ætlum ekki að hjálpa ykkur,“ sagði Ásgeir.

Líkt og fyrr segir þá hefur Ásgeir hlotið gagn­rýni og skrif­aði Hildur Lilli­endahl þetta í morgun: „Hlusta á útvarp. Fyrst kemur Ásgeir Kolbeins og nær ekki upp í nefið á sér sér yfir því að þurfa að loka kl. 21. Svo Bjössi í WC sem bauð þrí­eyk­inu í heim­sókn og þau bara AFÞÖKKUÐU???!!! Gleði­legan föstu­dag. Förum var­lega og munum að það getur verið hættu­legt að springa úr karla­frekju.“