Nína varð vitni af sorglegu atviki í matvörubúð: „Mér er illt í hjartanu“

Nína Richter, fyrr­ver­andi kvik­mynda­gagn­rýn­andi á RÚV ásamt mörgu öðru, seg­ist á Twitter hafa orðið vitni af sorg­legu atviki í mat­vöru­búð í dag. Hún seg­ist hafa verið við­stödd þegar upp komst um þjófnað en af lýs­ingum hennar að dæma átti við­kom­andi enga aðra leið færa til fæða sig.

„Ég varð vitni að því þegar upp komst um þjófnað í mat­vöru­verslun í dag. Það er allt of mikið til af öllu en samt er neyðin svo mikil á sumum heim­ilum að fólk sér enga aðra leið. Við eigum flest allt of mikið af öllu og þetta kerfi er ger­sam­lega glatað. Mér er illt í hjart­anu,“ lýsir Nína.

Hún segir skelfi­legt að fólk upp­lifi slíka neyð á Íslandi. „Lög­reglan var á leið­inni og ég var farin áður en hún kom. Ég þekki þetta til­tekna mál ekki til hlítar og er hvorki lög- né hag­fræð­ingur en það hlýtur að vera hægt að útfæra lögin þannig að fátækt fólk í svona ömur­legri neyð þurfi ekki að ótt­ast refs­ingu. Fólk sem á ekki mat,“ segir Nína og bætir við að lokum:

„Þið getið brugð­ist við og styrkt Mæðra­styrks­nefnd og Fjöl­skyldu­hjálp Íslands með ýmsum hætti. Covid er vafa­lítið þungur róður fyrir þá sem áttu erfitt fyrir. Matur, pen­ingar og föt sem þið eigið aflögu getur komið að góðum notum.“