Reebok Fitness fer að óskum kúnnans og opnar ekki

Mikið hefur verið rætt um opn­anir nokk­urra lík­ams­rækt­ar­stöðva í dag. World Class og Sport­húsið ákváðu að opna í morgun þrátt fyrir miklar tak­mark­anir. Það má aðeins fara í fyr­ir­fram pant­aða hópa­tíma að hámarki 19 manns. Neyt­enda­vakt man.is veltir því upp hvernig fyr­ir­komu­lagi við inn­heimtu á áskrift­ar­kortum sé háttað. Flestar lík­ams­rækt­ar­stöðvar hafa fryst áskrift­ar­kortin á meðan lok­anir hafa staðið yfir, þó ekki allar og nú er spurn­ing hvort þær stöðvar sem ætli að opna muni afþýða kortin?

Gera má ráð fyrir að þús­undir eigi lík­ams­rækt­ar­kort og í dag komust færri að en vildu þar sem upp­bókað var í flesta tíma enda er um miklar tak­mark­anir að ræða. Þá er óvíst hvort þessar opn­anir nýt­ist öllum en margir hafa ekki áhuga á hópa­tímum, nýta sér alla jafna bara tækja­sal­inn sem nú er lok­aður ásamt sturtum og bún­ings­klefum.

Eigandi Sport­húss­ins sagði í sam­tali við neyt­enda­vakt man.is í morgun að enn væri óvissa með útfærslu á inn­heimtu mán­að­ar­gjalda. Breyt­ingar séu örar og því sé þetta allt saman enn í skoðun.

Ekki hefur náðst í eig­endur World Class.

Tvær aðrar lík­ams­rækt­ar­stöðvar sem neyt­enda­vaktin hefur verið í sam­bandi við, Hreyfing og Reebok Fitness hafa ákveðið að hafa áfram lokað.

„Við ákváðum að spyrja við­skipta­vini okkar á sam­fé­lags­miðlum,“ segir Ágúst Ágústs­son hjá Reebok Fitness. Þessi óform­lega skoð­ana­könnun skil­aði afdrátt­ar­lausri nið­ur­stöðu: Halda bar­átt­unni gegn veirunni áfram með því að hafa lokað.

En hvernig er áskrift­ar­málum háttað? „Stutta svarið er að það var rukkað eðli­lega sein­ustu mán­að­ar­mót áður en lok­unin brast á og við munum leita leiða til að bæta með­limum upp tap­aðan tíma.“

Ágúst segir að eftir að lík­ams­rækt­ar­stöðvum var gert að loka í vor hafi með­limum verið gef­inn kostur á að velja sér sína upp­bót og rúm­lega það.

„Það var t.d. í formi inn­eignar upp í nám­skeið seinna, tíma­bili bætt aftan við lok áskriftar án greiðslu, bjóða vini eða fjöl­skyldu­með­limi með sér í rækt­ina og svo síð­asti val­kost­ur­inn að þiggja engar bætur og standa með sinni stöð í gegnum þetta.“ Hann segir það hafa komið á óvart hversu margir þáðu enga upp­bót „það voru margir sem átt­uðu sig á því að það gengur ekki til lengdar fyrir svona félags­lega mik­il­væga starf­semi að vera án tekna. Þetta fólk átt­aði sig á því að við gætum þurft þeirra stuðn­ing til að geta opnað okkar dyr að fullu eftir að náð hefur verið ein­hverri stjórn á þessum far­aldri, svo við gætum verið til staðar fyrir þau.“

Hann segir alla hjá RF virki­lega gera sitt besta til að koma til móts við alla.

„Það er bara von­andi að það náist stjórn á ástand­inum og við komumst loks­ins í ein­hverja eðli­lega útgáfu af dag­legu lífi sem fyrst.“

Hjá Hreyf­ingu feng­ust þessar upp­lýs­ingar:

• Stað­greidd kort verða fram­lengd sjálf­krafa um þann tíma sem lokað verður.
• Aðildir – mán­að­ar­leg áskrift:
  Nóvember æfinga­gjöldin verða lægri sem nemur lok­un­ar­tíma í októ­ber.
• Námskeið sem eru í gangi:
  Þau verða kláruð um leið og Hreyfing fær að opna aftur.

• Námskeið sem áttu að hefj­ast 12. októ­ber:
  Nám­skeiðin fá nýja upp­hafs dag­setn­ingu. Þú færð til­kynn­ingu frá okkur um leið og það skýrist hvenær hægt verður að byrja með ný nám­skeið.„Enginn greiðir neitt en með­limir eru samt sem áður með aðgang að fjöl­breyttum æfingum á Hreyfing heimaog á Mínum síðum á meðan á þessu stendur,“ segir Tinna Brynj­ólfs­dóttir hjá Hreyf­ingu.