Systur óttast um 93 ára covid-sýkta móður sína á Sólvöllum: „Ég er reið!“

Gróa Guðmunda Har­alds­dóttir, vist­ar­stjóri við Fjöl­braut­ar­stjóla Norð­ur­lands vestra, er ösku­reið yfir því að lífi aldr­aðrar móður hennar hafi verið stofnað í hættu. Þar á hún við flutn­ing íbúa af Covid-sýktum Landa­kost­spít­ala yfir á hjúkr­un­ar­heim­ilið Sólvelli á Eyr­ar­bakka.

Gróa ritar þetta í færslu á Facebook og er henni skilj­an­lega mikið niðri fyrir. „Ég er að reyna að átta mig á hlut­unum. Mamma býr á Sól­völlum á Eyr­ar­bakka. Þangað var fluttur íbúi af Landa­koti sem greini­lega hefur ekki verið sett í skimun áður en hún var flutt þangað. Það kemur upp smit þar, á Sól­völlum. Amk eru 11 smit­aðir á Sól­völlum og þar á meðal mamma, hún er með covid veiruna já, 93 ára. Nú er verið að flytja gamla fólkið af Sól­völlum til Reykja­víkur á Eir, í ein­angrun þar. Já sem sagt ég er að reyna að átta mig á hlut­unum. Það eru vin­sam­leg fyr­ir­mæli til allra að vera ekki að fara á milli staða. En það er verið að senda fólk á milli staða, á elli­heim­ili án þess að vita hvort fólk er með smit. Ég er reið!,“ segir Gróa.

Þrettán íbúar öldr­un­ar­heim­il­is­ins Sólvalla á Eyr­ar­bakka eru smit­aðir af COVID-19. Alls eru íbú­arnir nítján og er einn þeirra smit­uðu íbúi sem var fluttur þangað af Landa­kots­spít­ala. Þar hefur greinst klasa­smit þar sem 77 ein­stak­lingar hafa greinst sýktir, jafnt sjúk­lingar sem starfs­menn. Allir starfs­menn Sólvalla eru í sótt­kví og hefur bak­varða­sveitin þurft að sinna íbú­unum. Hinir smit­uðu verða fluttir til Reykja­víkur.

„Það eru allir mjög reiðir yfir því að þetta hafi verið fram­kvæmt með þessum hætti. Að fólk hafi ekki verið tekið í skoðun áður en það var sent á annað hjúkr­un­ar­heim­ili með veikt gam­alt fólk,“ segir Jóna Har­alds­dóttir, systir Gróu.