Svandís löðrungaði Sigríði á Alþingi – Helga Vala heldur ekki vatni yfir svarinu

Sigríður Andersen, fyrr­ver­andi ráð­herra, fór mik­inn á Alþingi í dag í umræðu um munn­lega skýrsla heil­brigð­is­ráð­herra. Sigríður gaf í skyn að sótt­varn­ar­reglur gengu allt of langt og spurði Svandísi meðal ann­ars hvort þær reglur stæð­ust stjórn­skipan. Svar Svan­dísar hlaut lófa­klapp og „heyr heyr“ mátti heyr­ast úr sal.

Svar Svan­dísar þótti það gott að Helga Vala Helga­dóttir, þing­kona Sam­fylk­ing­ar­innar, hrósar henni í hástert í færslu á Facebook. Þar skrifar Helga Vala: „Stundum er gaman að horfa á þing­menn skipt­ast á skoð­unum í þing­sal. Slíkt átti sér stað rétt í þessu þegar Svandís Svav­ars­dóttir, „löðr­ung­aði“ Sigríði Andersen í umræðu um sótt­varnir. Þarna sýndi Svandís hvað hún, þegar þannig er gáll­inn á henni, er fjári orð­heppin og snjöll.“

Svar Svan­dísar við spurn­ingu Sigríðar um hvort sótt­varn­ar­reglur gengu of langt hljóð­aði svo:

„Ég vil minna hátt­virtan þing­mann á að það er almanna­varnar­á­stand ástand á Íslandi, og hefur varað núna um all­nokkra mán­aða skeið. Ég vil skilja þá spurn­ingu eftir hjá hátt­virtum þing­manni, sem lætur að því liggja og hefur rætt í fjöl­miðlum í greinum og öðru, að við förum hér villur vegar í því hvernig við erum að bregð­ast við kór­ónu­veirunni. Ég vil biðja hátt­virtan þing­mann það að leggja lykkju á leið sína í þing­sal ein­hvern góðan veð­ur­dag að deila með okkur hinum sínum sjón­ar­miðum af því hvað varðar hvernig á að taka á mál­inu? Hvað er það sem hæst­virtur þing­maður leggur til? Það hefur aldrei komið fram. Leggur hátt­virtur þing­maður til að við förum ekki eftir ráðum sótt­varn­ar­læknis í glímunni við COVID-19? Og hvað er það þá sem hæst­virtur þing­maður leggur til í þeim efnum? Það dugar ekki að tala bara á móti ein­hverju, maður ber ábyrgð í þessum þing­sal.“

Sigríður fór ekki aftur í pontu eftir þetta.