Köld kveðja frá Air Iceland Connect: „Þú átt fluginneign sem er útrunnin“

Neyt­enda­vaktin er á per­sónu­legum nótum í dag og segir frá eigin upp­lifun af við­skiptum sínum við Air Iceland Connect. Í síð­ustu viku ætl­aði ég að panta mér far frá Reykja­vík til Egils­staða og nota til þess 2 flug­leggi sem ég átti eftir af flug­kort­inu mínu. Maðurinn minn á 5 leggi. Þetta fór ekki betur en svo að þegar ég fór inn á flug­inn­eigna­list­ann blöstu við mér þessi skila­boð:

„Þú átt flug­inn­eign sem er útrunn­inn.“

Mín inn­eign rann sem sagt út 09.08.20 og inn­eign manns­ins míns rann út 27.09.20.  Við höfum nokkrum sinnum keypt flug­inn­eign hjá flug­fé­lag­inu en aldrei áttað okkur á því að hún rynni út á svo skömmum tíma. Eftir að COVID hóf inn­reið sína í landið hefur ferðum okkar milli lands­hluta fækkað vegna til­mæla sótt­varna­yf­ir­valda um að halda kyrru fyrir. Fyrir utan það er tak­markað sæta­fram­boð á flug­inn­eignum þannig að til að nýta flug­kort þá þarf að plana ferðir fram í tím­ann, sem sjaldan hentar í nútíma­sam­fé­lagi. Hægt er að nýta inn­eign­ina upp í dýr­ari flug­miða – en þá er afslátt­ur­inn fyrir bí. Ekki hjálpar til að Air Iceland Connect er eina flug­fé­lagið sem flýgur Reykja­vík-Egils­staði og því engin sam­keppni.

Flug­inn­eign (6 flug­leggir) kost­aði árið 2018 –  77.400 kr. og kostar nú 80.400 kr.

Ég tók upp tólið og hringdi í flug­fé­lagið:

„Það er ekk­ert mál að fram­lengja gidis­tím­ann, sendu bara tölvu­póst á xxx og þau græja þetta í hvelli,“ svar­aði indæll ungur maður. Ég náði þó ekki net­fang­inu og leit­aði eftir því að heima­síð­unni – án árang­urs. Ég hringdi aftur og fékk það upp­gefið og sendi póst. 7 tímum síðar hafði ég ekki fengið nein við­brögð, próf­aði þá aftur að hringja. Kom í ljós að mér hafði verið gefið upp vit­laust net­fang. Tæpum sóla­hring síðar fékk ég svarið:

„Sæl Berglind,

Flug­frelsin ykkar beggja hafa verið fram­lengd um 6 mán­uði og gilda nú fram í mars 2021.“

Þetta gat ég ekki sætt mig við svo ég sendi annan póst:

„Takk fyrir svarið. Við sjáum ekki fram á að nýta þetta nú í Kófinu þar sem til­mæli eru um að fólk sé ekki að ferð­ast á milli lands­hluta. Geturðu fram­lengt þetta meira?Svo spyr ég bara um við­skipta­hætt­ina. Þegar ég keypti Flug­frelsi átt­aði ég mig alls ekki á því að þetta myndi renna út. Ég hefði amk haldið að það væri að lág­marki 4 ára gild­is­tími. Sbr:

https://www.neytendastofa.is/fyrirtaeki/orettmaetir-vidskiptahaettir/skilarettur/

“Kveðja,Berglind.Svar barst:

„Sæl,

Ég fram­lengdi þetta um Ár“

Engin svör við spurn­ingu minni um hvort þetta væru eðli­legir við­skipta­hættir.

Ég ákvað að bera þetta mál undir Neyt­enda­sam­tökin. Bryn­hildur Pét­urs­dóttir, fram­kvæmda­stjóri Neyt­enda­sam­tak­anna hafði þetta að segja:„Við höfum verið að berj­ast gegn þessum stutta gild­is­tíma á gjafa­bréfum almennt en ekki síst hvað varðar flug. Við höfum ekki enn fengið kvörtun vegna Flug­fé­lags Íslands en þarna gilda sömu lög­mál. Tveggja ára gild­is­tími er of stuttur að okkar mati. Vanda­málið er að það gilda engin lög eða reglur um gild­is­tíma gjafa­bréfa og aldrei hefur reynt á slíkt mál fyrir dómi. Við lítum hins vegar svo á að þarna sé um að kröfu að ræða og almennur fyrn­ing­ar­frestur á kröfum er fjögur ár.“Já kæru neyt­endur, við þurfum bara alltaf að vera á tánum og megum aldrei sofna á verð­inum.