Ragnar Þór lýsir Íslandi – Þrír menn fá 300 milljónir en ekkert fyrir fólkið í framlínustörfum

Ragnar Þór Ing­ólfs­son, for­maður VR, segir á Facebook að það sé lýsandi fyrir Ísland í dag að þrír yfir­menn hjá Marel geti hagn­ast um 300 millj­ónir vegna kaup­rétta­samn­ings meðan þorri þjóð­ar­inar fær hvorki álags­greiðslur né stefnt að aðgerðum fyrir þá sem ná ekki endum saman.

„Sam­fé­lagið í dag. Þrír stjórn­endur Marel, sem er að stórum hluta í eigu líf­eyr­is­sjóð­anna, leysa út tæp­lega 300 millj­óna hagnað vegna kaup­rétta­samn­inga, sem bæt­ast ofan á him­inhá laun þeirra. Á meðan gengur hvorki né rekur að fá álags­greiðslur til handa fólki í fram­línu­störfum eða aðgerðir til að grípa þá hópa sem ná ekki endum saman,“ segir Ragnar.

Einn þess­ara stjórn­enda er Árni Sig­urðs­son en hann seldi sam­kvæmt Við­skipta­blað­inu hluta­bréf í Marel fyrir 86 millj­ónir. „Því greiddi hann 43 millj­ónir fyrir 120 þús­und hluti sem hann, líkt og áður sagði, seldi fyrir tæp­lega 86 millj­ónir. Inn­leystur hagn­aður er því tæp­lega 43 millj­ónir króna,“ segir í frétt Við­skipta­blaðs­ins.