Brynjar kominn með nóg af sóttvörnum: „Öll gagnrýni kaffærð með hræðsluáróðri“

Brynjar Níelsson, þing­maður Sjálf­stæð­is­flokks­ins, seg­ist sótt­varn­ar­að­gerðir hér­lendis ekki hafa skilað þeim árangri sem stefnt var að. Þær hafi ein­kennst af óskil­virku alræði og eng­inn Íslend­ingur kjósi að búa í alræð­is­ríki. Með­virkni hans með sótt­varn­ar­að­gerð­unum er hér með lokið.

Þetta segir þing­mað­ur­inn í aðsendri grein á Vísi. Þar seg­ist hann alls ekki vilja gera lítið úr veirunni en að öll gagn­rýni á sótt­varn­ar­að­gerð­irnar sé kaf­færð með hræðslu­á­róðri. „Í alræði hefur ríkið afskipti af öllum þáttum mann­lífs, bæði einka­lífs og opin­bers lífs. Fáir sem taka afstöðu af yfir­vegun og still­ingu kjósa að búa í alræð­is­ríki. Sagan hefur enda sýnt að alræði þrífst ekki nema vald­hafar beiti hræðslu­á­róðri og útskúfun og smánun þeirra sem ekki vilja ganga full­kom­lega í takt,“ segir Brynjar og bætir við:

„Rík­is­valdið hefur stigið stærri skref til alræðis und­an­farna mán­uði en nokkru sinni fyrr í okkar sögu. Reistar hafa verið skorður við hvers kyns manna­mótum nema fámenn­ustu afmælis- og skírn­ar­veislum í heima­húsum. Atvinnu­lífið hefur verið lamað að stórum hluta. Heil­brigt fólk sætir í þús­undum ein­hvers konar stofu­fang­elsi(nefnt sótt­kví) stundum af lít­illi eða engri ástæðu og án nokk­urra raun­hæfra úrræða til að véfengja ákvarð­anir um slíkt. Þeir sem smit­ast sæta ein­angrun lengur en þekk­ist í öðrum löndum. Börn mega ekki leika sér saman eða stunda íþróttir við skipu­lagðar aðstæður. Allir þurfa svo að ganga í takt og við­ur­lögin ef út af bregður er opin­ber smánun. Öll gagn­rýni er kaf­færð með hræðslu­á­róðri. Allt er þetta með ein­dæmum.“

Eftir því sem líður á far­ald­ur­inn er Brynjar sann­færð­ari að hér á landi hafi ekki verið brugð­ist rétt við í bar­átt­unni við veiruna. Þegar fíl­hraustir tog­ara­sjó­menn smit­uð­ust af veirunni sé hrópað eftir lög­reglu­að­gerðum en það megi alls ekki gagn­rýna sótt­varn­ar­yf­ir­völd eða yfir­menn Land­spít­ala. „Þessi veira er ekki slíkt neyð­ar­á­stand sem rétt­læti að setja blóð­tappa í þjóð­ar­lík­amann með svona almennum og íþyngj­andi tak­mörk­unum. Sá blóð­tappi mun hafa miklu meiri áhrif á á líf okkar og heilsu til lengri tíma. Sjón­ar­mið eins og þessi sem hér eru viðruð eru gjarnan afgreidd með vísan til fávisku eða þekk­ing­ar­leysis. Beitt er og jafn­vel mis­beitt mis­kunn­ar­laust töl­fræði um fjölda þeirra sem mun deyja og veikj­ast illa verði ekki farið í allar þessar aðgerðir. Síðan er málum stillt þannig upp að þeir sem efist um rétt­mæti aðgerða yfir­valda séu að dæma fólk til dauða eða að minnsta kosti sama um líf þess og heilsu,“ segir Brynjar.

Eins og áður sagði er með­virkni Brynjars með sótt­varn­ar­að­gerð­unum lokið. „Ég vil búa í frjálsu sam­fé­lagi. Til að tak­marka frelsið svona mikið þarf meira neyð­ar­á­stand en þessa veira veldur og það sem er enn mik­il­væg­ara þá mega tak­mark­anir og þving­anir ekki hafa verri áhrif á líf okkar og heilsu til lengri tíma en veiran sjálf. Mér finnst þetta sjón­ar­mið rök­rétt og eðli­legt og þurfi ekki að kalla á útskúfun eða aðra opin­bera smánun,“ segir Brynjar.