Ársæll vill krossapróf í Leifstöð: „Útlendingar sem vilja vera góðir Íslendingar velkomnir“

Ársæll Þórð­ar­son húsa­smiður vill festa kristna trú sem hina einu opin­beru trú sem leyfi­leg verði á Íslandi. Hann segir jafn­framt alla þá útlend­inga sem vilja vera góðir Íslend­ingar vel­komna hingað til lands, aðrir ekki.

Ákveðin skoðun Ársæls kemur fram í aðsendri grein í Morg­un­blað­inu þar sem hann rifjar upp alla vinnu Þorgeirs Ljós­vetn­inga­goða við inn­leið­ingu kristn­innar. Þar kemur hann meira að segja fram með til­lögu að laga­texta sem stjórn­völd geta nýtt í stað trú­frels­is­á­kvæðis núgild­andi stjórn­ar­skrár­innar. „Það er löngu kom­inn tími til að leið­rétta þau afglöp og setja í stjórn­ar­skrána laga­texta í eft­ir­far­andi dúr: „Kristin trú skal vera ein allra trú­ar­bragða opin­ber trú á Íslandi og gildir þar um sam­þykkt alþingis frá árinu
1000 e.Kr. Öll opin­ber stjórn­sýsla Íslands taki mið af því í lögum lands­ins.“ Stjórn­ar­skrár­á­kvæðið mundi þá einnig varð­veita hina sögu­legu arf­leifð kristni­tök­unnar,“ segir Ársæll og bætir við:

„Að setja það í lög að trú­frelsi skuli ríkja er illa ígrundað og óþarft ákvæði. Nú eru kristnir menn ofsóttir út um allan heim, mest þar sem guð­leys­ingjar (komm­ún­istar) eða múslimar
ráða ríkjum en líka í löndum þar sem búddistar og hindúar stjórna. Iðkun trúar er marg­breyti­leg og veldur árekstrum, þar þarf skil­grein­ingu. Þegar sjálf­ráða útlend­ingur leitar hér land­vistar á að trú­p­rófa hann og greina við­horf hans til að aðlaga sig íslenskri menn­ingu. Það er hægt að gera með krossa­prófi í flug­stöð.“

Ársæll full­yrðir að útlend­ingar sem vilja ríg­halda í trú sína ganga gegn íslenskum lögum. Þeir eigi því ekk­ert erindi inn í landið. „Sama gildir um þá erlenda sem aðhyll­ast trúpóli­tískar stjórn­mála­stefnur ein­ræð­is­sjón­ar­miða. Útlend­ingar sem hingað vilja flytja
og vilja verða góðir Íslend­ingar með því að gang­ast undir okkar menn­ing­ar­hefðir eiga að vera vel­komnir, aðrir ekki. Íslensk lög byggj­ast á kristnu gildum sem miða að lýð­ræð­is­legum stjórn­ar­háttum, sá menn­ing­ar­arfur er dýr­mæt­ari en svo að honum megi
ógna að óþörfu með því að veita fólki land­vist sem í lík­ing­unni ber með sér riðu­veiki, mæðu­veiki og fjár­kláða sem sýkir þjóð­ina og veldur árekstrum og ófriði,“ segir Ársæll og heldur áfram:

„Við sem veljum að vera sauðir í hjörð góða hirð­is­ins Jesú Krists verðum að standa vörð um ríki hans á Íslandi. Því miður eigum við í höggi við marga óvini í guð­leysi þó ekki bæt­ist við trú­ar­erjur. Úrskurður Þorgeirs forðum er í raun spá­dómur, kynd­ill sem íslenskri þjóð er ætlað að bera inn í fram­tíð­ina svo friður hald­ist í landi okkar. Ég bið Íslend­ingum Guðs friðar.“