Margrét lagði lögregluna – Handtekin þegar hún þurfti hjálp: „Réttlætið hefur sigrað“

Margrét Frið­riks­dóttir frum­kvöðla­fræð­ingur fagnar sigri en fyrr í dag var hún sýknuð af ákæru um árás á lög­reglu­þjón. Hún var sökuð um að hafa ráð­ist á lög­reglu­mann við skyldu­störf.

Margrét hefur lýst því í við­tali við DV að hún hafi átt við áfeng­is­vanda að stríða á þeim tíma. Hún snerti ekki áfengi í dag. Dóttir hennar hafði umrætt kvöld óskað eftir aðstoð en í stað sjúkra­liða hafi komið lög­reglu­menn og hand­tekið mömmu hennar.

Margrét var sökuð um að sparkað í kálfa eins þeirra en atvikið átti sér stað sum­arið 2019. Áverka­vott­orð lög­reglu­manns­ins leiddi ekki í ljós neina áverka eða ummerki um árás.

Margrét seg­ist þakk­lát á Facebook. „Kæru vinir, rétt­lætið hefur sigrað og er ég þakk­lát dóm­stólum fyrir að virka sem skildi. Ég var borin þungum sökum af lög­reglu og hérð­aðs­sak­sókn­ara og gefið að sök að hafa sparkað í lög­reglu­mann og valdið honum mjúk­vefja­á­verka. Lækn­is­vott­orð var þó í and­stöðu við þessa lýs­ingu og var ég því sýknuð og er mjög þakk­lát fyrir að þessum ömur­lega kafla er nú loks lokið,“ segir Margrét.

Hún seg­ist þó hvergi nærri sátt eftir allt þetta ferli. „Ég er hins­vegar mjög svekkt og finnst leitt að vita til þess að lög­regla gangi fram með þessum hætti sem ég kalla ólög­lega vald­níðslu og vona ég að verk­lagi hjá lög­reglu og neyð­ar­línu verði breytt til hins betra í fram­haldi og stuðlað sé að því að slíkt geti ekki aftur átt sér stað,“ segir Margrét.

Að lokum seg­ist hún fegin því að geta andað léttar, nú svo stuttu fyrir jól. „Það vill eng­inn lenda í þess­ari stöðu og vera sak­aður rang­lega um alvar­legan glæp sem varðar allt að 8 ára fang­elsi og að sæta rétt­ar­stöðu sak­born­ings í svo langan tíma fyrir rangar sak­ar­giftir er erfitt og nið­ur­lægj­andi. Ég horfi nú bjart­sýn og bros­andi framá vegin það eru að koma jól og ég get loks andað léttar. Guð blessi rétt­lætið Amen.“