Dularfullt smit skólabílstjórans – Ung kona veikist skyndilega – Austfirðingar standa saman

Íbúar Fljóts­dals­hér­aðs eru ugg­andi yfir skyndi­legu smiti skóla­bíl­stjóra Egils­staða­skóla. Aust­ur­land hefur verið það svæði sem hefur sloppið einna best við COVID. Þar hafa menn verið stoltir af því enda sá árangur ekki síst tengdur öfl­ugum vörnum. Fyrr­nefndur bíl­stjóri er ung kona og er ráð­gáta hvernig hún gat smit­ast. Hún hafði ekk­ert ferð­ast og ekki vitað um önnur smit á svæð­inu.

Hlynur Bragason, eig­andi Sæta hóp­ferða, sem sjá um skóla­akst­ur­inn, segir í sam­tali við Mannlíf að sem betur fer þá sé konan ekki mikið veik. Hún sé ein þeirra sem finni ekki til mik­illa ein­kenna. Tugir eru nú í sótt­kví á Aust­ur­landi eftir þetta dul­ar­fulla smit. For­eldrum hefur þó verið sagt að litlar líkur séu á að börnin séu smituð þar sem sótt­varna hafi verið gætt við akst­ur­inn.

Hlynur skrif­aði í gær opið bréf til íbúa á svæð­inu þar sem hann reyndi að kveða niður dap­ur­legar sögu­sagnir. Hann hafi lagt mikla áherslu á sótt­varnir og minnir á að eng­inn ætli sér að veikj­ast. Í Facebook-hópi íbúa skrifar hann:

„Í kjöl­farið á þessu smiti fóru allir okkar bíl­stjórar utan stræt­is­vagna­bíl­stjór­ans okkar, sem engin sam­skipti hefur átt við umrædddan starfs­mann, umsvifa­laust í sjálf­skip­aða sótt­kví og í kjöl­farið í sýna­töku. Allir þeir starfs­menn okkar grein­ast sótt­fríir, en verða samt sem áður áfram í sótt­kví þar til seinni sýna­taka á sér stað næst­kom­andi föstu­dag.

Við vonum að með þessum upp­lýs­ingum skap­ist friður, því miður þá er okkur að ber­ast til eyrna dap­ur­legar athuga­semdir sem engan vegin eiga rétt á sér. Eins og ein­hver sagði „Aðgát skal höfð í nær­veru sálar“ Sýnum frekar sam­stöðu og skiln­ing. ENGINN ÆTLAR að veikj­ast en því miður ger­ist það.“

Aust­firð­ingar hafa aug­ljós­lega tekið þessi skrif til sín því fjöldi manns lýsir yfir sam­stöðu sinni. „Gott að heyra að þú tekur þetta föstum tökum. Manni er alveg ljóst að íbúar hér á Aust­ur­landi taka smit­varnir alvar­lega, enda sést það á smit­tölum. Held að það sé alger óþarfi hjá fólki að gera meir úr þessu en efni standa til og halda áfram að vanda sig í smit­vörnum áfram eins og fram að þessu,“ skrifar Jens nokkur.

Bjarkey Olsen Gunn­ars­dóttir, þing­kona VG, sendir bar­áttu­kveðju austur og skrifar: „Það er svo ótrú­lega mik­il­vægt að standa saman þegar á reynir og elt­ast ekki við að ein­hverjum sé um að kenna. Eins og þú segir þá ætlar eng­inn að veikj­ast en veiru­skratt­inn laum­ast víða. Mik­il­væg­ast að styðja við þá sem veikj­ast eða eru í sótt­hví og það er hægt að gera með ýmsum hætti. Þið hafið staðið ykkur ótrú­lega vel á Aust­ur­landi og þetta frá­vik sýnir bara að sumt ráðum við bara ekki við.“