Sumir missa vitið af tilboðskvíða: „Hann telur sig vera að græða“

Svo virð­ist sem það sé vax­andi vanda­mál að fólk upp­lifi kvíða vegna Svart föstu­dags, þegar fyr­ir­tæki bjóða upp á mis­góða afslætti að banda­rískri fyr­ir­mynd. Sumir myndu segja að nú væri neyslu­hyggjan komin út fyrir allan þjófa­bálk. Frétta­blaðið greinir frá þessu og ræðir við Óttar Guð­munds­son geð­læknir.

Nokkuð hefur borið á því að fólk sé kvíðið yfir því að missa af góðu til­boði. Kvíði er oft byggður á rang­hug­myndum sem passar ágæt­lega við þá stað­reynd að margir íslenskir kaup­menn bjóða upp auman 10 pró­sent afslátt. Á Íslandi er það óðs manns æði að halda maður finni góðan afslátt.

Óttar segir þetta vel þekkt vanda­mál.  Fólki finnst eins og allir aðrir séu að gera góð kaup og ótt­ast að missa af ein­hverjum til­boðum. Þetta ástand fylgir oft útsölum. Þetta er hluti af áráttu þrá­hyggju­á­standi þar sem ákveðin hugsun verður ráð­andi í huga ein­stak­lings­ins,“ segir Óttar.

Fólk sé síðan oft­ast að kaupa ein­hverja dellu. „Í þessu til­viki er það hugs­unin: Ég er að missa af ein­hverju. Við­kom­andi fer þá að elt­ast við þrá­hyggj­una og leita uppi öll til­boð og jafn­vel kaupa ein­hverja hreina dellu. Aðal­málið er að hann telur sig vera að græða. Eft­ir­leik­ur­inn er síðan venju­lega timb­ur­menn þegar það kemur að skulda­dögum.“