Sigurlaug rifjar upp sárar minningar: „Móðir mín var að deyja“

Sig­ur­laug Margrét Jón­as­dóttir fjöl­miðla­kona rifjar upp sárar minn­ingar af því þegar móðir hennar, Sigrún Sig­urð­ar­dóttir, var langt leidd af krabba­meini.Vegna veik­ind­inna átti Sigrún í erf­ið­leikum með að koma með Sig­ur­laugu á sýn­ingu í Íslensku óper­unni. Mæðgurnar komust á end­anum og grétu þar saman yfir óper­unni Tosca sem sýnd var árið 2017. „Móðir mín var að deyja og hún lá á krabba­meins­deild­inni þegar frum­sýn­ingin var og hún hafði mestar áhyggjur af því að hún kæm­ist ekki á frum­sýn­ingu. Þannig að ég fór á frum­sýn­ing­una, grét nátt­úru­lega ennþá meira af því mamma var ekki með mér. En það sem gerð­ist, hún ein­hvern veg­inn jafn­aði hún sig – eins og hægt er að jafna sig á því þegar maður er að deyja – og komst á sýn­ingu,“ segir Sig­ur­laug í sam­tali við

RÚV.

Minn­ingar um Tosca eru því Sig­ur­laugu sér­stak­lega hjart­fólgnar. Í seg­ist hún ekki getað hlut­ast á fal­legar áríur án þess að fella tár. „Það gerð­ist eitt­hvað í lífi okkar beggja. Við sátum þarna saman, vissum að hún væri að deyja. Horfðum á Toscu, horfðum á afbrýði­sem­ina, ást­ina, allar þessar til­finn­ingar og við bara eig­in­lega grétum báðar og vorum bara mjög ham­ingju­samar líka,“ segir Sig­ur­laug.