Erla er reið manni sem vildi ekki bera grímu í Krambúðinni:„Lét ljót orð falla, reifst og skammaði“

Erla nokkur, íbúi á Kárs­nes­inu, er veru­lega ósátt vð leið­in­legan og dóna­legan við­skipta­vin Kram­búð­ar­innar í gær­kvöldi. Við­kom­andi lét öllum illum látum í versl­un­inni þar sem hann neit­aði að bera grímu þrátt fyrir grímu­skyldu.

Erla segir mann­inn hafa hellt sér yfir afgreiðslu­fólk versl­un­ar­innar og látið ljót orð falla. Atvikinu lýsir hún í hópi íbúa Kárs­nes­ins á Facebook og segir þetta vera í annað sinn sem hún horfi upp á full­orð­inn ein­stak­ling haga sér svona. „Ég og sonur minn 13 ára fórum í Kram­búð­ina í gærkveldi og vorum vitni af svo leið­in­legum og dóna­legum manni sem hafði rétt áður komið í búð­ina og ætlað að fá að kaupa sér sígar­ettur en var neitað um inn­göngu og afgreiðslu þar sem hann var ekki með grímu. Hann lét ljót orð falla og reifst og skamm­að­ist við afgreiðslu­dreng­ina svo ég gat ekki annað en skipt mér af,“, segir Erla og bætir við:

„Hann lét sér ekki segj­ast fyrr en sonur minn sem er 13 ára hækk­aði róm­inn veru­lega og bað hann bara vin­sam­leg­ast að lesa á hurð­ina, þar stæði með skýrum stöfum að það væri grímu­skilda í búð­inni og hann eins og aðrir þyrftu bara að fara eftir því. Með þess­ari færslu vil ég bara biðja um að allir (sama hvort þú hefur fengið covid eða þyk­ist hafa fengið það) noti grímu í búinni og biðji ekki afgreiðslu­fólkið að brjóta þær reglur sem þeim eru settar.

Sýnum ábyrgð og förum eftir reglum eins og við kennum börn­unum okkar að gera.“