Tugir milljóna til þingmanna: Þetta fengu þau á síðasta ári – Tólf þingmenn fóru yfir 20 milljónir

Laun þing­manna hafa verið á milli tann­anna á fólki, sér­stak­lega í des­em­ber þegar í ljós kom að þeir fengu rúm­lega 180 þús­und í jóla­bónus á meðan öryrkjar og eldri borgar urðu að sætta sig við um 50 þús­und. Ekki bætti úr skák þegar í ljós kom að laun þeirra hækk­uðu um 3.4 nú um ára­mót eða 40 þús­und krónur. Margt athygl­is­vert kemur í ljós þegar list­inn er skoð­aður og

Nú er búið að birta lista yfir laun og kostnað vegna þing­manna fyrir síð­asta ár, 2020. Þeir þing­menn sem dýr­astir voru í rekstri á síð­asta ári eru Logi Ein­ars­son með tæpar 27 millj­ónir og skammt á hæla hans var Stein­grímur J. Sig­fús­son einnig með tæpar 27 millj­ónir. Þá er Sig­mundur Davíð með 24.8 millj­ónir. Bjarkey Olsen var með 23.1, Inga Sæland end­aði í fimmta með 23.4 og Þor­gerður Katrín Gunn­ars­dóttir er þar á eftir með 22.3 millj­ónir í laun og kostnað.

Laun þing­manna eru á bil­inu 1.352.456 til 2.123.215 milljón króna á mán­uði. Þannig fékk Stein­grímur J. Sig­fús­son rúmar 23 millj­ónir ein­göngu í laun á síð­asta ári, Logi 21 milljón en Smári Mc Carthy og Þórdís Kolbrún R. Gylfa­dóttir 14.2 millj­ónir og eru þessar tölur fyrir utan kostnað og ýmsa styrki.

Tólf þing­menn kost­uðu skatt­borg­ara yfir 20 millj­ónir á síð­asta ári. Ef skoðað hvaða flokkar kost­uðu skatt­borg­ara mest að með­al­tali, þá er Sam­fylk­ingin í efsta sæti með hátt í 20 millj­ónir, Mið­flokk­ur­inn í öðru sæti og Viðreisn í því þriðja. Þá eru Píratar í neðsta sæti.

Sam­fylk­ingin – 19,430,002 að með­al­tali á þing­mann

Mið­flokk­ur­inn  18,722,110 að með­al­tali á þing­mann

Viðreisn 18,174,898 að með­al­tali á þing­mann

Vinstri Græn 18,146,618 að með­al­tali á þing­mann

Fram­sókn­ar­flokk­ur­inn 17,863,854.50 að með­al­tali á þing­mann

Sjálf­stæð­is­flokk­ur­inn 17,265,709 að með­al­tali á þing­mann

Píratar að 16,649,381 með­al­tali á þing­mann

Flokkur fólks­ins 19.937.722 að með­al­tali á þing­mann*

Flokkur Fólksins er aðeins með tvo þing­menn og því verður honum ekki raðað í sæti eftir kostn­aði í þess­ari úttekt. Þegar flokkar ná kjöri á Alþingi fá þeir minnst þrjú sæti. Í Flokki fólks­ins eru aðeins tveir þing­menn og því verður þeim ekki raðað í sæti í þess­ari úttekt. Sam­fylk­ingin er því sá flokkur sem fær mest að með­al­tali.

Hér fyrir neðan má sjá lista yfir laun og kostnað allra þing­manna fyrir árið 2020.